Times of Deenabandhu
ಪ್ರಧಾನ ಸುದ್ದಿ ಮುಖ್ಯಾಂಶಗಳು

ಕೊರೊನಾ ವೈರಸ್ ಕಾಲದಲ್ಲಿ ಚಿತ್ರಮಂದಿರಗಳು ಪಾಲಿಸಬೇಕಾದ ಕ್ರಮಗಳು

ಕೊರೊನಾ ವೈರಸ್ ವಿರುದ್ಧ ಹೋರಾಡುತ್ತಲೇ ನಾವು ಬದುಕು ಕಟ್ಟಿಕೊಳ್ಳಬೇಕು ಎನ್ನುವ ಮಾತು ಈಗ ನಿಜವಾಗುತ್ತಲಿದೆ. ಯಾಕೆಂದರೆ ಸಂಪೂರ್ಣವಾಗಿ ದೇಶವನ್ನು ಮೂರು ತಿಂಗಳ ಕಾಲ ಲಾಕ್ ಡೌನ್ ಮಾಡಿದ ಬಳಿಕ ಅನ್ ಲಾಕ್ ಸಂದರ್ಭದಲ್ಲಿ ಸೋಂಕು ಹರಡುವುದು ಏರುಗತಿಯಲ್ಲಿದೆ. ಹೀಗಾಗಿ ನಾವೆಲ್ಲರೂ ಕೊರೋನಾ ವಿರುದ್ಧ ಹೋರಾಡುತ್ತಲೇ ಜೀವನ ಸಾಗಿಸಬೇಕು ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಹೇಳಿದ್ದರು.

ಆಗಸ್ಟ್ 1, 2020ರ ಬಳಿಕ ನಿರ್ಬಂಧಗಳು ಇನ್ನಷ್ಟು ಸಡಿಲವಾಗಲಿದ್ದು, ಈ ವೇಳೆ ಚಿತ್ರಮಂದಿರ, ಜಿಮ್ ಇತ್ಯಾದಿಗಳು ಕೂಡ ತೆರಯಲಾಗುತ್ತದೆ ಎನ್ನುವ ಸುದ್ದಿಯು ಬಂದಿದೆ. ಮೂರು ತಿಂಗಳಿಗೂ ಹೆಚ್ಚು ಸಮಯ ಮನೆಯಲ್ಲೇ ಇದ್ದ ಜನರಿಗೆ ಈಗ ಹೊರಗಡೆ ಹೋಗಿ ಸ್ವಲ್ಪ ಮನರಂಜನೆ ಪಡೆಯಬೇಕೆಂಬ ಮನಸ್ಸಾಗಿರುವುದು ಸುಳ್ಳಲ್ಲ. ಆದರೆ ಈ ವೇಳೆ ತುಂಬಾ ಎಚ್ಚರಿಕೆ ವಹಸಿಬೇಕಾಗಿರುವುದು ಅತೀ ಅಗತ್ಯ.
ಸೀಟು ಖಾಲಿ ಇರಬೇಕು
ಕುಟುಂಬದವರು, ಸ್ನೇಹಿತರು, ಜೋಡಿ ಜತೆಯಾಗಿಯೇ ಸಿನಿಮಾ ನೋಡಬಹುದು. ಆದರೆ ಅವರ ಬದಿಯಲ್ಲಿನ ಒಂದು ಸೀಟನ್ನು ಖಾಲಿ ಬಿಡುವಂತೆ ವ್ಯವಸ್ಥೆ ಮಾಡಬೇಕು. ಪರಸ್ಪರ ಅಪರಿಚಿತರು ಒಂದು ಸೀಟು ಬಿಟ್ಟು ಕುಳಿತುಕೊಳ್ಳಬೇಕು. ಒಂದು ಸಾಲನ್ನು ಬಿಟ್ಟು ಇನ್ನೊಂದು ಸಾಲಿನಲ್ಲಿ ಕುಳಿತುಕೊಳ್ಳಲು ವ್ಯವಸ್ಥೆ ಮಾಡುವಂತೆ ಸೂಚಿಸಲಾಗುತ್ತದೆ ಎಂದು ಹೇಳಲಾಗುತ್ತಿದೆ.
​ದೇಹದ ಉಷ್ಣತೆ ಪರೀಕ್ಷೆ
ಸಿನಿಮಾ ಹಾಲ್ ಗಳಿಗೆ ಬರುವಂತಹ ಜನರ ದೇಹದ ಉಷ್ಣತೆಯನ್ನು ಪರೀಕ್ಷೆ ಮಾಡುವುದು ಕಡ್ಡಾಯವಾಗಿದೆ ಮತ್ತು ಜ್ವರದಿಂದ ಬಳಲುತ್ತಿರುವವ ಯಾವುದೇ ವ್ಯಕ್ತಿಯು ಇದರ ಒಳಗೆ ಬರಬಾರದು.

​ಮಾಸ್ಕ್ ಕಡ್ಡಾಯ
ಬಟ್ಟೆಯಿಂದ ಮುಖ ಮುಚ್ಚಿಕೊಳ್ಳುವುದು ಅಥವಾ ಮಾಸ್ಕ್ ಧರಿಸುವುದು ಕಡ್ಡಾಯವಾಗಿದೆ. ಎಲ್ಲಾ ಗ್ರಾಹಕರು, ಅಧಿಕಾರಿಗಳು ಮತ್ತು ಸಿನಿಮಾ ಹಾಲ್ ಗಳಲ್ಲಿ ಕೆಲಸ ಮಾಡುವಂತಹ ಸಿಬ್ಬಂದಿಯು ಕಡ್ಡಾಯವಾಗಿ ಮಾಸ್ಕ್ ಧರಿಸಲೇಬೇಕು.

​ಆರೋಗ್ಯ ಸೇತು ಆಪ್ ಇರಬೇಕು
ಗ್ರಾಹಕರು ಮತ್ತು ಸಿಬ್ಬಂದಿಯು ಆರೋಗ್ಯ ಸೇತು ಆಪ್ ನ್ನು ಹೊಂದಿರುವುದು ಕಡ್ಡಾಯ ಮತ್ತು ಇದರಲ್ಲಿ ಅವರ ಬಗ್ಗೆ ತಿಳಿಯಬೇಕಾಗಿದೆ.
ಸಂಪರ್ಕವಿಲ್ಲದ ಖರೀದಿ
ಟಿಕೆಟ್, ತಿಂಡಿ ಮತ್ತು ಪಾನೀಯಗಳ ಖರೀದಿಯು ಆನ್ ಲೈನ್ ನಲ್ಲೇ ನಡೆಸಬೇಕು ಅಥವಾ ಆಪ್ ಮೂಲ ಮಾಡಬಹುದು. ಇದರಿಂದ ಖರೀದಿ ವೇಳೆ ಯಾವುದೇ ಸಂಪರ್ಕವು ಉಂಟಾಗದು. ಇದು ಸಂಪರ್ಕ ರಹಿತ ಮತ್ತು ಪೇಪರ್ ರಹಿತ ಪಾವತಿಗೂ ನೆರವಾಗಲಿದೆ.

​ಸ್ವಚ್ಛತೆ ಮೊದಲು
ಸ್ಪರ್ಶವಿಲ್ಲದೆ ಹಾಕುವಂತಹ ಸ್ಯಾನಿಟೈಸರ್, ಪ್ಲಾಸ್ಟಿಕ್ ಗ್ಲೌಸ್ ಮತ್ತು ಕಸದ ಬುಟ್ಟಿ ಎಲ್ಲಾ ಸಿನಿಮಾ ಮಂದಿರಗಳಲ್ಲಿ ಕಡ್ಡಾಯ ಮಾಡಬೇಕು.

​ಪ್ರತೀ ಶೋ ಬಳಿಕ ಸ್ಯಾನಿಟೈಸ್ ಕಡ್ಡಾಯ
ಗ್ರಾಹಕರ ಸುರಕ್ಷತೆ ದೃಷ್ಟಿಯಿಂದ ಪ್ರತೀ ಶೋ ಬಳಿಕ ಸಿನಿಮಾ ಹಾಲ್ ನ್ನು ಸ್ಯಾನಿಟೈಸ್ ಮಾಡುವುದು ಕಡ್ಡಾಯವಾಗಿದೆ.

​ಸಾಮಾಜಿಕ ಅಂತರಕ್ಕೆ ಗಡಿರೇಖೆಗಳು
ಸಿನಿಮಾ ಹಾಲ್ ನಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ಗಡಿರೇಖೆ ಹಾಕಬೇಕು. ಇದರಿಂದ ಸಾಮಾಜಿಕ ಅಂತರವನ್ನು ಕಾಪಾಡಬಹುದು.

Related posts

ಸಂತ್ರಸ್ತೆಗೆ ಬೆಂಕಿ ಹಚ್ಚಿ ಕ್ರೌ‍ರ್ಯ‍ ಮೆರೆದ ಕಾಮುಕರು…

Times fo Deenabandhu

ಪಶುವೈದ್ಯೆ ಅತ್ಯಾಚಾರ:  ಕಸ್ಟಡಿಗೆ ಆರೋಪಿಗಳು

Times fo Deenabandhu

 ಪಿಯು ದಾಖಲಾತಿ: ಪಾಲನೆಯಾಗದ ನಿಯಮ

Times fo Deenabandhu