Times of Deenabandhu
ಪ್ರಧಾನ ಸುದ್ದಿ ಮುಖ್ಯಾಂಶಗಳು

 ಕೊರೊನಾ ನಿಗ್ರಹಕ್ಕೆ ರಾಜ್ಯವ್ಯಾಪಿ ಲಾಕ್‌ಡೌನ್‌ಗೆ ದೇವೇಗೌಡ ಆಗ್ರಹ

ಬೆಂಗಳೂರು: ಕೊರೊನಾ ವೈರಸ್‌ ನಿಯಂತ್ರಿಸುವ ನಿಟ್ಟಿನಲ್ಲಿ ಲಾಕ್‌ಡೌನ್‌ ಅನ್ನು ಇಡೀ ರಾಜ್ಯಕ್ಕೆ ವಿಸ್ತರಿಸುವಂತೆ ಮಾಜಿ ಪ್ರಧಾನಿ ಎಚ್‌.ಡಿ. ದೇವೇಗೌಡ ಒತ್ತಾಯಿಸಿದ್ದಾರೆ.

ಈ ಸಂಬಂಧ ಹೇಳಿಕೆ ಬಿಡುಗಡೆ ಮಾಡಿರುವ ಅವರು, ”ಶರವೇಗದಲ್ಲಿ ಹರಡುತ್ತಿರುವ ವೈರಸ್‌ ತಡೆಯಲು ಲಾಕ್‌ಡೌನ್‌ ಜಾರಿಗೆ ಮುಂದಾಗಿರುವುದು ಸ್ವಾಗತಾರ್ಹ. ಸಾರ್ವಜನಿಕರು ಅನಗತ್ಯವಾಗಿ ಮನೆಯಿಂದ ಹೊರ ಬಾರದೇ ಇರುವ ಜತೆಗೆ, ಸಾಮಾಜಿಕ ಅಂತರ ಪಾಲನೆ, ಸ್ಯಾನಿಟೈಸರ್‌ ಬಳಕೆ ಮಾಡಬೇಕು,” ಎಂದು ಸಲಹೆ ನೀಡಿದ್ದಾರೆ.
“ರಾಜ್ಯ ಸರಕಾರ ಘೋಷಣೆ ಮಾಡಿರುವ ಅನೇಕ ಪ್ಯಾಕೇಜ್‌ಗಳಲ್ಲಿ ಅವ್ಯವಹಾರ ನಡೆದಿದೆ ಎಂಬ ಆರೋಪ ಕೇಳಿ ಬರುತ್ತಿದೆ. ಈ ಬಗ್ಗೆ ಮುಂದಿನ ಅಧಿವೇಶನದಲ್ಲಿ ಚರ್ಚೆ ನಡೆಸುವುದು ಸೂಕ್ತ. ಈಗ ನಮಗೆ ಜನತೆಯ ಆರೋಗ್ಯ ಮುಖ್ಯ. ಮೊದಲು ಆ ನಿಟ್ಟಿನಲ್ಲಿ ಗಮನ ಹರಿಸೋಣ. ಜನತೆಗೆ ಆರೋಗ್ಯದ ಜತೆಗೆ ಚೆಲ್ಲಾಟ ಬೇಡ,” ಎಂದು ಸಲಹೆ ನೀಡಿದ್ದಾರೆ.

ಉಚಿತ ಆರೋಗ್ಯ ಕಿಟ್‌ಗೆ ಸಲಹೆ

”ಸೋಂಕು ವ್ಯಾಪಕವಾಗುತ್ತಿರುವುದರಿಂದ ರಾಜ್ಯ ಸರಕಾರವೇ ಉಚಿತವಾಗಿ ಎಲ್ಲಾಕುಟುಂಬಗಳಿಗೂ ವಿಟಮಿನ್‌ ಸಿ ಔಷಧ, ಆಯುಷ್‌ ಸಚಿವಾಲಯ ದೃಢೀಕರಿಸಿದ ರೋಗ ನಿರೋಧಕ ಶಕ್ತಿ ವರ್ಧಕ ಕಿಟ್‌, ಸ್ಯಾನಿಟೈಸರ್‌ ವಿತರಿಸಬೇಕು,”ಎಂದು ಮಾಜಿ ಸಿಎಂ ಎಚ್‌.ಡಿ.ಕುಮಾರಸ್ವಾಮಿ ಸಲಹೆ ನೀಡಿದ್ದಾರೆ.
”ಈ ಆರೋಗ್ಯ ಕಿಟ್‌ಗಳು ಪ್ರತಿ ಮೆಡಿಕಲ್‌ ಹಾಗೂ ಇತರೆ ಅಂಗಡಿಗಳಲ್ಲಿ ಮಾರಾಟಕ್ಕೂ ಲಭ್ಯವಾಗಬೇಕು. ಜತೆಗೆ ರೋಗ ಲಕ್ಷಣ ಕಂಡು ಬಂದವರಿಗೂ ಮುನ್ನೆಚ್ಚರಿಕೆ ಕ್ರಮವಾಗಿ ಸೂಕ್ತ ಔಷಧಗಳನ್ನು ಪೂರೈಸಬೇಕು. ಆಗ ಮಾತ್ರ ಕೊರೊನಾ ನಿಯಂತ್ರಣ ಸಾಧ್ಯ, ಆರೋಗ್ಯ ಕಿಟ್‌ಗಳನ್ನು ಎಲ್ಲರಿಗೂ ಉಚಿತವಾಗಿ ಪೂರೈಸಲು ಸಾಧ್ಯವಾಗದೇ ಇದ್ದರೆ ಕನಿಷ್ಟ ಬಿಪಿಎಲ್‌ ಕುಟುಂಬಗಳಿಗಾದರೂ ವಿತರಿಸಲು ನಿರ್ಧಾರ ತೆಗೆದುಕೊಳ್ಳಬೇಕು,” ಎಂದು ಸರಣಿ ಟ್ವೀಟ್‌ ಮಾಡಿದ್ದಾರೆ.

”ಲಾಕ್‌ಡೌನ್‌ ಅನ್ನು ಈ ಸಲ ಅತ್ಯಂತ ಕಠಿಣವಾಗಿ ಜಾರಿಗೊಳಿಸಬೇಕು, ಸರಕಾರವೇ ಪ್ರತಿ ಮನೆಗೂ ಫುಡ್‌ ಕಿಟ್‌ ವಿತರಿಸಿ ಜನ ಹೊರಗಡೆ ಬರದಂತೆ ತಡೆಯಬೇಕು. ಕೊರೊನಾ ನಿರ್ವಹಣೆಗಾಗಿ ಎಲ್ಲಾಅಭಿವೃದ್ಧಿ ಕೆಲಸಗಳನ್ನು ವರ್ಷದ ಮಟ್ಟಿಗೆ ಬದಿಗಿಟ್ಟು ಎಲ್ಲಾಆದ್ಯತೆಗಳನ್ನು ಸರಕಾರ ಆಸ್ಪತ್ರೆಗಳ ಸುಧಾರಣೆಗೆ ಕೊಡಬೇಕೆಂದು ಈ ಹಿಂದೆಯೇ ಸಲಹೆ ನೀಡಿದೆ. ಆದರೆ ಆ ನಿಟ್ಟಿನಲ್ಲಿ ಯಾವುದೇ ಪ್ರಯತ್ನ ಮಾಡಲಿಲ್ಲ. ರಾಜಕಾರಣಿಗಳಿಂದ ಕೊರೊನಾ ತಡೆ ಅಸಾಧ್ಯ. ತಜ್ಞರ ಸಲಹೆ ಪಡೆದು ಸರಕಾರ ಕೆಲಸ ಮಾಡುವುದು ಸೂಕ್ತ,” ಎಂದು ಹೇಳಿದ್ಧಾರೆ.

Related posts

ಬೆಳಗಾವಿಯಲ್ಲೂ ನಡೆದಿತ್ತು ಹೈದರಾಬಾದ್‌ ಮಾದರಿ ಎನ್‌ಕೌಂಟರ್‌

Times fo Deenabandhu

 ರೋಗ ಲಕ್ಷಣ ಇಲ್ಲದ ರೋಗಿಗಳನ್ನು ಪತ್ತೆ ಹಚ್ಚುವುದೇ ದೊಡ್ಡ ಸವಾಲು!

Times fo Deenabandhu

ಬೆಟ್ಟದಷ್ಟು ನಿರೀಕ್ಷೆ: ಆರ್ಥಿಕ ಚೇತರಿಕೆಯ ಭರವಸೆ ನೀಡಬಲ್ಲದೇ ಬಜೆಟ್

Times fo Deenabandhu