Times of Deenabandhu
ಪ್ರಧಾನ ಸುದ್ದಿ ಮುಖ್ಯಾಂಶಗಳು

ಪಾತಕಿ ವಿಕಾಸ್‌ ದುಬೆ ಪೊಲೀಸ್‌ ಎನ್‌ಕೌಂಟರ್‌ಗೆ ಬಲಿ..!

8 ಮಂದಿ ಪೊಲೀಸರನ್ನು ಬಲಿ ಪಡೆದಿದ್ದ ಪಾತಕಿ ವಿಕಾಸ್‌ ದುಬೆಯನ್ನ ಉತ್ತರ ಪ್ರದೇಶ ಪೊಲೀಸರು ಎನ್‌ಕೌಂಟರ್ ಮಾಡಿದ್ದಾರೆ. ಪೊಲೀಸರಿಂದ ಪಿಸ್ತೂಲ್‌ ಕಿತ್ತುಕೊಂಡು ಶೂಟ್‌ ಮಾಡಿ ತಪ್ಪಿಸಿಕೊಳ್ಳಲು ಯತ್ನಿಸಿದಾಗ ಪೊಲೀಸರು ದುಬೆ ಮೇಲೆ ಗುಂಡು ಹಾರಿಸಿದ್ದಾರೆ. ಜುಲೈ 9ರಂದು ಮಧ್ಯಪ್ರದೇಶದ ಉಜ್ಜಯಿನಿಯಲ್ಲಿರುವ ಮಹಾಕಾಳ ದೇವಾಲಯದಲ್ಲಿ ದುಬೆ ಸಿಕ್ಕಿಬಿದ್ದಿದ್ದ.

ಆ ವೇಳೆ ಅಲ್ಲಿನ ಪೊಲೀಸರು ಆತನನ್ನ ವಶಕ್ಕೆ ಪಡೆದಿದ್ದರು. ನಂತರ ಉತ್ತರ ಪ್ರದೇಶ ಪೊಲೀಸರು ಅಲ್ಲಿಗೆ ತೆರಳಿ ಆತನನ್ನ ಕರೆದುಕೊಂಡು ಬರುತ್ತಿದ್ದರು. ಕಾನ್ಪುರದ ಬರ್ರಾ ಪೊಲೀಸ್‌ ಸ್ಟೇಷನ್ ಬಳಿ ಬರುವಾಗ, ಮಳೆ ಹಿನ್ನೆಲೆ ದುಬೆ ಇದ್ದ ಪೊಲೀಸ್‌ ವಾಹನ ಸ್ಕಿಡ್‌ ಆಗಿ ಪಲ್ಟಿ ಆಗಿದೆ. ವಾಹನ ಪಲ್ಟಿಯಾದಾಗ ಅದರಿಂದ ಎದ್ದು ಮೇಲೆ ಬಂದ ವಿಕಾಸ್‌ ದುಬೆ, ಪೊಲೀಸರ ಪಿಸ್ತೂಲ್‌ ಕಿತ್ತು ದಾಳಿ ನಡೆಸಿದ್ದಾನೆ. ಈ ವೇಳೆ ಪೊಲೀಸರು ಕೂಡ ಪ್ರತಿದಾಳಿ ನಡೆಸಿದ್ದಾರೆ. ಘಟನೆಯಲ್ಲಿ ದುಬೆ ಗಾಯಗೊಂಡ ಹಿನ್ನೆಲೆಯಲ್ಲಿ ಸ್ಥಳೀಯ ಆಸ್ಪತ್ರೆಗೆ ಸೇರಿಸಲಾಗಿತ್ತು. ಆದ್ರೆ, ಬಳಿಕ ಆತ ಸಾವನ್ನಪ್ಪಿರೋದಾಗಿ ಪೊಲೀಸರು ಘೋಷಿಸಿದ್ದಾರೆ.
ದುಬೆ ಹತ್ಯೆ ಬೆನ್ನಲ್ಲೇ ರಾಜಕೀಯ ಕೆಸರೆರೆಚಾಟ ಶುರು..!
ವಿಕಾಸ್‌ ದುಬೆ ಎನ್‌ಕೌಂಟರ್ ಪ್ರಕರಣದ ಬಗ್ಗೆ ಕೂಲಂಕುಶ ತನಿಖೆ ನಡೆಸುವಂತೆ ಸುಪ್ರೀಂಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಕೆಯಾಗಿದೆ. ವಿಕಾಸ್‌ ದುಬೆ ಎನ್‌ಕೌಂಟರ್‌ ಅಥವಾ ಹತ್ಯೆಗೆ ಸಂಬಂಧಿಸಿದಂತೆ ಕೂಲಂಕುಶ ತನಿಖೆಗೆ ನಡೆಸುವಂತೆ ಪತ್ರದಲ್ಲಿ ಆಗ್ರಹಿಸಿದ್ದಾರೆ. ಈ ತನಿಖೆ ಸುಪ್ರೀಂಕೋರ್ಟ್‌ನ ನಿಗಾದಲ್ಲಿ ಸಿಬಿಐನಿಂದ ನಡೆಯಬೇಕು ಎಂದು ಅರ್ಜಿಯಲ್ಲಿ ಕೇಳಿಕೊಂಡಿದ್ದಾರೆ.

ಈ ವಿಚಾರವಾಗಿ ಪ್ರತಿಕ್ರಿಯೆ ನೀಡಿರುವ ಎಸ್ಪಿ ನಾಯಕ ಮಾಜಿ ಸಿಎಂ ಅಖಿಲೇಶ್ ಸಿಂಗ್ ಯಾದವ್, ಅಸಲಿಗೆ ಯಾವುದೇ ಕಾರು ಪಲ್ಟಿಯಾಗಿಲ್ಲ, ಕಾರನ್ನು ಉರುಳಿಸಿ ಸರ್ಕಾರವನ್ನು ಉಳಿಸಿಕೊಳ್ಳಲಾಗಿದೆ ಎಂದು ಆರೋಪಿಸಿದ್ದಾರೆ.

ವಿಕಾಸ್ ದುಬೆ ಎನ್‌ಕೌಂಟರ್‌ ಬಳಿಕ ಇದೀಗ ನೆಮ್ಮದಿಯಿಂದ ಮಗನ ಪಿಂಡದಾನ ಮಾಡಬಹುದು ಎಂದು ಹುತಾತ್ಮ ಪೊಲೀಸ್ ಕಾನ್ಸ್‌ಟೇಬಲ್ ಜಿತೇಂದ್ರ ಪಾಲ್ ಸಿಂಗ್ ತಂದೆ ತಿರಥ್ ಪಾಲ್ ಸಿಂಗ್ ಕಣ್ಣೀರಿಡುತ್ತಾ ಹೇಳಿಕೆ ನೀಡಿದ್ದಾರೆ.

Related posts

 ಜಾಗತಿಕ ಕಂಪನಿಗಳಿಗೆ ಮುಕ್ತ ಅವಕಾಶ: ನರೇಂದ್ರ ಮೋದಿ

ಬುರ್ಜ್ ಖಲೀಫಾದ ತುದಿಗೆ ಹೊಡೆದ ಮಿಂಚು…!

Times fo Deenabandhu

ಮಂಗಳೂರು ವಿಮಾನ ನಿಲ್ದಾಣ ಬಾಂಬ್​ ಪತ್ತೆ ಪ್ರಕರಣ: ಬಾಂಬ್​ ನಿಷ್ಕ್ರಿಯ ದಳದಿಂದ ಸ್ಫೋಟ ಪ್ರಕ್ರಿಯೆ ಯಶಸ್ವಿ

Times fo Deenabandhu