Times of Deenabandhu
ಪ್ರಧಾನ ಸುದ್ದಿ ಮುಖ್ಯಾಂಶಗಳು

ಗಡಿ ಶಾಂತಿಗೆ ಭಾರತ-ಚೀನಾ ದೃಢ ನಿರ್ಧಾರ

 

ಹೊಸದಿಲ್ಲಿ: ಗಾಲ್ವಾನ್‌ ಕಣಿವೆಯಲ್ಲಿನ ಮಾರಾಮಾರಿ ಪ್ರಚೋದನೆಯನ್ನು ಮತ್ತಷ್ಟು ಮುಂದುವರಿಸಿಕೊಂಡು ಹೋಗದೆ, ಮಿಲಿಟರಿ ಜಮಾವಣೆಯನ್ನು ಕ್ರಮೇಣ ತಗ್ಗಿಸಿ ವಾಸ್ತವ ನಿಯಂತ್ರಣ ರೇಖೆ (ಎಲ್‌ಎಸಿ)ಯಲ್ಲಿಈ ಹಿಂದಿನಂತೆ ಸಹಜ ಸ್ಥಿತಿ ಸ್ಥಾಪನೆಗೆ ಒತ್ತು ನೀಡಲು ಉಭಯ ದೇಶಗಳ ವಿದೇಶಾಂಗ ಸಚಿವಾಲಯದ ವಕ್ತಾರರು ಚರ್ಚಿಸಿ ನಿರ್ಧಾರಕ್ಕೆ ಬಂದಿದ್ದಾರೆ.

ಸಚಿವಾಲಯದ ಪ್ರಧಾನ ನಿರ್ದೇಶಕ ವೂ ಜಿಯಾಂಗಾಯೊ ಅವರು ಶಾಂತಿ ಸ್ಥಾಪನೆಗೆ ಒತ್ತು ನೀಡಲು ಸಮ್ಮತಿಸಿದರು.

ಇನ್ನು ರಾಜತಾಂತ್ರಿಕ ಮತ್ತು ಮಿಲಿಟರಿ ಹಂತಗಳಲ್ಲಿ ಮುಂದೆಯೂ ಸಭೆ ನಡೆಸಿ ಸಣ್ಣ ಮಟ್ಟದ ಭಿನ್ನಾಭಿಪ್ರಾಯಗಳ ಶಮನ ಮಾಡಿಕೊಂಡು ಎಲ್‌ಎಸಿಯಲ್ಲಿ ಬಿಕ್ಕಟ್ಟು ಉದ್ಭವಿಸದಂತೆ ಎಚ್ಚರಿಕೆ ವಹಿಸೋಣ ಎಂದು ಉಭಯ ಅಧಿಕಾರಿಗಳು ಒಮ್ಮತಕ್ಕೆ ಬಂದಿದ್ದಾರೆ. ಉಭಯ ದೇಶಗಳು ತಮ್ಮ ಸದ್ಯದ ಗಡಿ ಪ್ರದೇಶವನ್ನು ಕಾಯ್ದುಕೊಂಡು ಪರಸ್ಪರರ ನೆಲವನ್ನು ಗೌರವದಿಂದ ಕಾಣಲು ಒಪ್ಪಲಾಗಿದೆ ಎಂದು ವಿದೇಶಾಂಗ ಸಚಿವಾಲಯ ಪ್ರಕಟಣೆಯಲ್ಲಿ ತಿಳಿಸಿದೆ. ಪೂರ್ವ ಲಡಾಖ್‌ನಲ್ಲಿ ಎಲ್ಲ ರೀತಿಯ ಸೇನೆ ಜಮಾವಣೆಯನ್ನು ಹಿಂಪಡೆಯಲು ಎರಡು ದಿನಗಳ ಹಿಂದೆ ಉಭಯ ದೇಶಗಳ ಮಿಲಿಟರಿ ಅಧಿಕಾರಿಗಳು ಒಮ್ಮತಕ್ಕೆ ಬಂದಿದ್ದರು.

ನಾಯಕರ ಸಹಮತಕ್ಕೆ ಒಮ್ಮತ

ಗಾಲ್ವಾನ್‌ ಕಣಿವೆ ಬಳಿ ಬುಧವಾರ ಕೂಡ ಚೀನಾ -ಭಾರತ ಮಿಲಿಟರಿ ಕಮಾಂಡರ್‌ಗಳು ಸಭೆ ನಡೆಸಿದ್ದಾರೆ. ಈ ವೇಳೆ ತಮ್ಮ ಸರಕಾರಗಳ ಉನ್ನತ ಅಧಿಕಾರಿಗಳು ಮತ್ತು ನಾಯಕರು ಶಾಂತಿ ಸ್ಥಾಪನೆಗೆ ಒತ್ತು ನೀಡುತ್ತಿರುವುದರಿಂದ ತಾವು ಕೂಡ ಸೇನಾ ಜಮಾವಣೆ ತಗ್ಗಿಸಿ ಬಿಕ್ಕಟ್ಟು ಶಮನಕ್ಕೆ ಮುಂದಾಗಲು ನಿರ್ಧರಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಆಪಾದನೆಯಿಂದ ಪಾರಾಗುವ ಯತ್ನ

ಸುದ್ದಿಗೋಷ್ಠಿಯಲ್ಲಿ ಬುಧವಾರ ಮಾತನಾಡಿದ ಚೀನಾ ವಿದೇಶಾಂಗ ಸಚಿವಾಲಯದ ವಕ್ತಾರ ಝಾವೊ ಲಿಜಿಯಾನ್‌ , “ಮಿಲಿಟರಿ ಕಮಾಂಡರ್‌ಗಳ ಹಂತದಲ್ಲಿ ಪಡೆಗಳನ್ನು ಹಿಂಪಡೆಯಲು ಒಮ್ಮತಕ್ಕೆ ಬಂದಿದ್ದರೂ ಗಾಲ್ವಾನ್‌ ಮಾರಾಮಾರಿಗೆ ಭಾರತವೇ ಪ್ರಚೋದಿಸಿದ್ದು ಎಂದು ಮತ್ತೊಮ್ಮೆ ಸ್ಪಷ್ಟಪಡಿಸಲು ಬಯಸುತ್ತೇನೆ. ನನಗೆ ಎಲ್ಲರಿಗೂ ಸತ್ಯ ತಿಳಿಸುವ ಉದ್ದೇಶವಿದೆ. ಚೀನಾ ಮೇಲೆ ಅಪವಾದ ಬರಬಾರದು. ಭಾರತೀಯ ಮಾಧ್ಯಮಗಳು ಚೀನಾದಿಂದ ಪ್ರಚೋದನೆಯಾಗಿದೆ ಎಂದು ಬಿಂಬಿಸುತ್ತಿವೆ,” ಎಂದು ವಾದಿಸಿದ್ದಾರೆ.

Related posts

 ಮಹದೇಶ್ವರ ಬೆಟ್ಟ: ದಾಸೋಹದ ಅಕ್ಕಿ ಬಡವರಿಗೆ

Times fo Deenabandhu

ಅಪೌಷ್ಠಿಕತೆಯಿಂದ ನರಳುತ್ತಿರೋ ಆಫ್ರಿಕನ್​ ಸಿಂಹಗಳ ಉಳಿವಿಗೆ ಜಾಲತಾಣದಲ್ಲಿ ಬಹುದೊಡ್ಡ ಅಭಿಯಾನ

Times fo Deenabandhu

ಪ್ರಧಾನಿ ನರೇಂದ್ರ ಮೋದಿಗೆ ದೇವಸ್ಥಾನ ನಿರ್ಮಿಸಿ ಅಭಿಮಾನ ಮೆರೆದ ತಮಿಳುನಾಡು ರೈತ

Times fo Deenabandhu