Times of Deenabandhu
ದೇಶ ಪ್ರಧಾನ ಸುದ್ದಿ ಮುಖ್ಯಾಂಶಗಳು

ವಂದೇ ಭಾರತ್ ಮಿಶನ್ ಎರಡನೇ ಹಂತವನ್ನು ವಿಸ್ತರಿಸಿದ ಕೇಂದ್ರ ಸರ್ಕಾರ!

 

ನವದೆಹಲಿ: ಮಹತ್ವದ ಬೆಳವಣಿಗೆಯೊಂದರಲ್ಲಿ ವಿದೇಶಗಳಲ್ಲಿ ಸಂಕಷ್ಟಕ್ಕೆ ಸಿಲುಕಿರುವ ಭಾರತೀಯರನ್ನು ಮರಳಿ ಕರೆತರುವ ‘ವಂದೇ ಭಾರತ್ ಮಿಶನ್‌’ ಯೋಜನೆಯ ಎರಡನೇ ಹಂತವನ್ನು ಕೇಂದ್ರ ಸರ್ಕಾರ ವಿಸ್ತರಿಸಿದೆ.

ಮುಂಬರುವ ಜೂನ್ 13ರವರೆಗೂ ವಂದೇ ಭಾರತ್ ಮಿಶನ್‌ನ ಎರಡನೇ ಹಂತ ಮುಂದುವರೆಯಲಿದೆ ಎಂದು ಕೇಂದ್ರ ಸರ್ಕಾರ ಮಾಹಿತಿ ನೀಡಿದೆ.ವಿಸ್ತೃತ ಭಾಗದಲ್ಲಿ ಮತ್ತೆ 47 ದೇಶಗಳನ್ನು ಸೇರಿಸಿರುವುದಾಗಿಯೂ ಸರ್ಕಾರ ಸ್ಪಷ್ಟಪಡಿಸಿದೆ.

ಈ ಕುರಿತು ಮಾಹಿತಿ ನೀಡಿರುವ ವಿದೇಶಾಂಗ ಇಲಾಖೆ ವಕ್ತಾರ ಅನುರಾಗ್ ಶ್ರೀವಾತ್ಸವ್, ಇದೇ ಮೇ.22ರಂದು ಮುಕ್ತಾಯವಾಗಬೇಕಿದ್ದ ವಂದೇ ಭಾರತ್ ಮಿಶನ್‌ನನ್ನು ಮುಂಬರುವ ಜೂನ್ 113ರವರೆಗೆ ವಿಸ್ತರಿಸಲಾಗಿದೆ ಎಂದು ಹೇಳಿದ್ದಾರೆ.

ಮೇ 7 ರಂದು ಆರಂಭವಾದ ವಂದೇ ಭಾರತ್ ಮಿಶನ್ ಯೋಜನೆಯಡಿಯಲ್ಲಿ ವಿವಿಧ ದೇಶಗಳಲ್ಲಿ ಸಂಕಷ್ಟಕ್ಕೆ ಸಿಲುಕಿದ್ದ ಒಟ್ಟು 23, 475 ಭಾರತೀಯರನ್ನು ಮರಳಿ ಸ್ವದೇಶಕ್ಕೆ ಕರೆತರಲಾಗಿದೆ ಎಂದು ಅನುರಾಗ್ ಶ್ರೀವಾತ್ಸವ್ ಮಾಹಿತಿ ನೀಡಿದರು.

ಇದೀಗ ವಂದೇ ಭಾರತ್ ಮಿಶನ್ ಎರಡನೇ ಹಂತವನ್ನು ವಿಸ್ತರಿಸಲಾಗಿದ್ದು, 47 ದೇಶಗಳಲ್ಲಿರುವ ಮತ್ತಷ್ಟು ಭಾರತೀಯರನ್ನು ಸ್ವದೇಶಕ್ಕೆ ಮರಳಿ ಕರೆತರಲಾಗುವುದು ಎಂದು ವಿದೇಶಾಂಗ ಇಲಾಖೆ ಸ್ಪಷ್ಟಪಡಿಸಿದೆ.

 

Related posts

ಸಮುದ್ರ ತೀರದಲ್ಲಿ ಪತ್ತೆಯಾಯ್ತು 6.5 ಕೋಟಿ ವರ್ಷದ ಅಸ್ಥಿಪಂಜರ.!

Times fo Deenabandhu

ಖ್ಯಾತ ತಮಿಳು ನಟ ವಿಜಯ್ ಮತ್ತು ಸೇತುಪತಿ ಶಿವವಮೊಗ್ಗ ಜೈಲಿಗೆ…..!

Times fo Deenabandhu

ಒಂದು ಸಿನಿಮಾಕ್ಕೆ ಟಿಕೆಟ್ ತಗೊಂಡ್ರೆ ಏಳು ಸಿನಿಮಾ ಉಚಿತವಾಗಿ ನೋಡಬಹುದು

Times fo Deenabandhu