Times of Deenabandhu
ಪ್ರಧಾನ ಸುದ್ದಿ ಮುಖ್ಯಾಂಶಗಳು

ಲಾಕ್‌ಡೌನ್‌ ನಡುವೆಯೇ ರಾಜ್ಯದ ಹಲವು ಕಡೆ ಭರಪೂರ ಬಾಲ್ಯವಿವಾಹ!

ಬೆಂಗಳೂರು: ಕೊರೊನಾ ವೈರಸ್‌ ನಿಯಂತ್ರಣಕ್ಕೆ ಹೇರಲಾಗಿರುವ ‘ಲಾಕ್‌ಡೌನ್‌’ ಅವಧಿಯನ್ನೇ ಅವಕಾಶ ಮಾಡಿಕೊಂಡಿರುವ ಕೆಲವು ಪೋಷಕರು ಬಾಲ್ಯ ವಿವಾಹಗಳನ್ನು ನಡೆಸಿದ ಘಟನೆಗಳು ರಾಜ್ಯದ ಅಲ್ಲಲ್ಲಿ ವರದಿಯಾಗಿವೆ. ಹಲವೆಡೆ ಅಧಿಕಾರಿಗಳ ಪ್ರಯತ್ನದಿಂದಾಗಿ ಮದುವೆಗಳನ್ನು ತಡೆಯಲಾಗಿದೆ.

ಕರ್ನಾಟಕ ಮಕ್ಕಳ ಹಕ್ಕು ರಕ್ಷಣಾ ಆಯೋಗ ಹಾಗೂ ಮಕ್ಕಳ ಸಹಾಯವಾಣಿಗೆ ಲಾಕ್‌ಡೌನ್‌ ಅವಧಿಯಲ್ಲಿ ಬಾಲ್ಯ ವಿವಾಹ ಕುರಿತು ಸಾಕಷ್ಟು ಕರೆಗಳು ಬಂದಿವೆ. ಕೆಲವು ಕಡೆ ಅಧಿಕಾರಿಗಳ ತಂಡ ಸಕಾಲಕ್ಕೆ ತೆರಳಿ ಬಾಲ್ಯ ವಿವಾಹವನ್ನು ತಡೆಯಲು ಯಶಸ್ವಿಯಾಗಿವೆ. ಸಂಪ್ರದಾಯ, ಹಿರಿಯ ಆಸೆ ಈಡೇರಿಸುವ ನೆಪ ಹಾಗೂ ಬಡತನದ ಕಾರಣದಿಂದ ಹಳ್ಳಿಗಳಲ್ಲಿ ಈಗಲೂ ಬಾಲ್ಯ ವಿವಾಹಗಳು ನಡೆಯುತ್ತಲೇ ಇವೆ.
ಸಾಮಾನ್ಯವಾಗಿ ಏಪ್ರಿಲ್‌ ಮತ್ತು ಮೇ ತಿಂಗಳಲ್ಲಿ ಮದುವೆಗೆ ಮಹೂರ್ತಗಳು ಹೆಚ್ಚು. ಕಾಕತಾಳೀಯ ಎಂಬಂತೆ ಲಾಕ್‌ಡೌನ್‌ ಕೂಡ ಇದೇ ಅವಧಿಯಲ್ಲಿದೆ. ಕೊರೊನಾ ನಿಯಂತ್ರಣಾ ಕಾರ್ಯಗಳಲ್ಲಿ ಬಹುತೇಕ ಅಧಿಕಾರಿಗಳು ನಿರತರಾಗಿರುತ್ತಾರೆ. ಇದೇ ಅವಕಾಶವನ್ನು ಬಳಸಿಕೊಂಡು ಕೆಲವು ಹಳ್ಳಿಗಳಲ್ಲಿ ಗ್ರಾಮ ವಿವಾಹಕ್ಕೆ ಮುಂದಾಗಿರಬಹುದು ಎಂಬುದು ತಜ್ಞರ ಅಭಿಪ್ರಾಯವಾಗಿದೆ. ಈ ಲಾಕ್‌ಡೌನ್‌ನಲ್ಲಿ ಒಟ್ಟು ನಾಲ್ಕು ಬಾಲ್ಯ ವಿವಾಹ ನಡೆದರೆ, 37 ವಿವಾಹಗಳನ್ನು ಅಧಿಕಾರಿಗಳು ತಡೆದಿದ್ದಾರೆ.
ಶಿವಮೊಗ್ಗ ಹಾಗೂ ಶಿಕಾರಿಪುರ ತಾಲೂಕಿನಲ್ಲಿ ಬಂಜಾರ ಸಮುದಾಯದಲ್ಲಿ ತಲಾ ಒಂದು ಬಾಲ್ಯ ವಿವಾಹ ನಡೆದಿದೆ. ಇದೇ ವೇಳೆ, ಪ್ರೀತಿಸಿದವನೊಂದಿಗೆ ಓಡಿಹೋದ 18 ವರ್ಷ ತುಂಬಿರದ ಬಾಲಕಿಯರನ್ನು ಪತ್ತೆ ಮಾಡಿ ಅದಕ್ಕೆ ಕಾರಣರಾದ ಯುವಕರ ವಿರುದ್ಧ ಪೋಕ್ಸೊ ಪ್ರಕರಣ ದಾಖಲಿಸಲಾಗಿದೆ. ತುಮಕೂರು ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಗಳಲ್ಲೂ ತಲಾ ಒಂದು ಬಾಲ್ಯ ವಿವಾಹ ನಡೆದಿದೆ. ಚಿಕ್ಕಮಗಳೂರು ಜಿಲ್ಲೆಯಲ್ಲಿಎರಡು ಬಾಲ್ಯವಿವಾಹವನ್ನು ತಡೆಯಲಾಗಿದೆ
ಮೈಸೂರು ಜಿಲ್ಲೆಯಲ್ಲಿ ಒಂದೇ ವಾರದಲ್ಲಿ12 ಬಾಲ್ಯ ವಿವಾಹಕ್ಕೆ ಯತ್ನಿಸಲಾಗಿದ್ದು, ಎಲ್ಲವನ್ನೂ ಕಡೆ ಕ್ಷಣದಲ್ಲಿ ತಡೆಯಲಾಗಿದೆ ಎಂದು ಜಿಲ್ಲಾ ಮಕ್ಕಳ ರಕ್ಷಣಾಧಿಕಾರಿ ದಿವಾಕರ್‌ ಹೇಳಿದ್ದಾರೆ. ಬಹಳಷ್ಟು ಪ್ರಕರಣಗಳಲ್ಲಿ ಮಕ್ಕಳು ಶಾಲೆ ಬಿಟ್ಟವರಾಗಿದ್ದು, ಅವರ ರಕ್ಷಣೆ ಕಷ್ಟ ಎಂಬ ಕಾರಣಕ್ಕೆ ಪೋಷಕರು ಈ ನಿರ್ಧಾರಕ್ಕೆ ಬಂದಿದ್ದಾರೆ. ಒಂದು ಪ್ರಕರಣದಲ್ಲಿಮಾತ್ರ ‘ಅಜ್ಜಿ ಆಸೆ’ ಈಡೇರಿಸಲು ಈ ಪ್ರಯತ್ನ ನಡೆದಿದೆ. ಮಂಡ್ಯದಲ್ಲಿ ಎರಡು ಕಡೆ ನಿಶ್ಚಿತಾರ್ಥ ತಡೆಯಲಾಗಿದೆ.
ಬಳ್ಳಾರಿ ಜಿಲ್ಲೆಯಲ್ಲಿ 10 ದಿನಗಳಲ್ಲಿ ನಾಲ್ಕು ಬಾಲ್ಯವಿವಾಹ ಪ್ರಯತ್ನ ನಡೆದಿವೆ. ಕುರುಗೋಡು, ಹೊಸಪೇಟೆ ತಾಲೂಕಿನಲ್ಲಿ ತಲಾ ಒಂದು ಮತ್ತು ಹಗರಿ ಬೊಮ್ಮನಹಳ್ಳಿ ತಾಲೂಕಿನಲ್ಲಿ ಎರಡು ಬಾಲ್ಯ ಮದುವೆ ನಿಗದಿಯಾಗಿದ್ದನ್ನು ತಡೆಯಲಾಗಿದೆ. ದಾವಣಗೆರೆ ಜಿಲ್ಲೆಯ ಹೊನ್ನಾವಳಿಯ ತಾಲೂಕಿನ ರಾಂಪುರದಲ್ಲಿ ನಾಲ್ಕು ದಿನದ ಹಿಂದೆ ಒಂದು ಬಾಲ್ಯ ವಿವಾಹ ಆಯೋಜನೆ ಆಗಿತ್ತು. ಅಧಿಕಾರಿಗಳಿಗೆ ಗೊತ್ತಾದ್ದರಿಂದ ಮದುವೆ ನಿಂತಿದೆ. ಚಿತ್ರದುರ್ಗ ಜಿಲ್ಲೆಯ ಕಾಟನಾಯಕನಹಳ್ಳಿ ಮೂರು ಬಾಲ್ಯ ವಿವಾಹಗಳು ನಡೆಯಲಿವೆ ಎಂಬ ಮಾಹಿತಿ ಪಡೆದ ಅಧಿಕಾರಿಗಳು ಗ್ರಾಮಕ್ಕೆ ಭೇಟಿ, ವಿವಾಹವನ್ನು ತಡೆದಿದ್ದಾರೆ. ವಿಜಯಪುರ ತಾಲೂಕಿನಲ್ಲಿ ಒಂದು ಬಾಲ್ಯವಿವಾಹನ್ನು ಅಧಿಕಾರಿಗಳು ತಡೆದಿದ್ದಾರೆ.
ಬೆಳಗಾವಿ ಜಿಲ್ಲೆಯಲ್ಲಿ ಲಾಕ್‌ಡೌನ್‌ ಅವಧಿಯಲ್ಲಿ ಒಟ್ಟು 12 ಬಾಲ್ಯ ವಿವಾಹ ತಡೆಗಟ್ಟಲಾಗಿದೆ. ಬುಧವಾರ ಬೆಳಗ್ಗೆಯಷ್ಟೆ ಪತ್ತೆಯಾಗಿರುವ ರಾಮದುರ್ಗ ತಾಲೂಕಿನಲ್ಲಿ ಒಂದು ಘಟನೆ ನಡೆದಿದೆ. ಮಾರ್ಚ್ನಲ್ಲಿಒಟ್ಟು 21 ಬಾಲ್ಯ ವಿವಾಹಯತ್ನ ಪ್ರಕರಣಗಳು ದಾಖಲಾಗಿವೆ. ಆ ಪೈಕಿ ಮಾರ್ಚ್ ತಿಂಗಳ ಲಾಕ್‌ಡೌನ್‌ ಅವಧಿಯಲ್ಲಿ ನಾಲ್ಕು ಬಾಲ್ಯವಿವಾಹ ತಡೆಗಟ್ಟಲಾಗಿದೆ. ರಾಯಬಾಗ, ಸವದತ್ತಿ, ಬೈಲಹೊಂಗಲ, ಬೆಳಗಾವಿ ತಾಲೂಕಿನಲ್ಲಿ ಹೆಚ್ಚು ಬಾಲ್ಯ ವಿವಾಹ ಪ್ರಕರಣಗಳು ಪತ್ತೆಯಾಗುತ್ತಿವೆ. ಕಳೆದ ವರ್ಷ ಮಾರ್ಚ್ನಲ್ಲಿ28, ಏಪ್ರಿಲ್‌ನಲ್ಲಿ45 ಮತ್ತು ಮೇ ತಿಂಗಳಲ್ಲಿ50 ಬಾಲ್ಯ ವಿವಾಹ ತಡೆಗಟ್ಟಿದ ಪ್ರಕರಣ ದಾಖಲಾಗಿದ್ದವು.
ಶಿವಮೊಗ್ಗ ಜಿಲ್ಲೆಯಲ್ಲಿ 2 ಮತ್ತು ಚಿಕ್ಕಬಳ್ಳಾಪುರ, ತುಮಕೂರು ಜಿಲ್ಲೆಯಲ್ಲಿ ತಲಾ ಒಂದು ಬಾಲ್ಯ ವಿವಾಹ ನಡೆದಿದೆ. ಮೈಸೂರು, ಬೆಳಗಾವಿ ಜಿಲ್ಲೆಯಲ್ಲಿತಲಾ 12, ಬಳ್ಳಾರಿ ಜಿಲ್ಲೆಯಲ್ಲಿ4, ಚಿತ್ರದುರ್ಗ ಜಿಲ್ಲೆಯಲ್ಲಿ3 ಮತ್ತು ಚಿಕ್ಕಮಗಳೂರು, ಮಂಡ್ಯ ಜಿಲ್ಲೆ2, ದಾವಣಗೆರೆ, ವಿಜಯಪುರ ಜಿಲ್ಲೆಗಳಲ್ಲಿತಲಾ ಒಂದು ಬಾಲ್ಯ ವಿವಾಹಗಳನ್ನು ಅಧಿಕಾರಿಗಳು ತಡೆದಿದ್ದಾರೆ.

Related posts

ಕೊರೊನಾ ವೈರಸ್‌ ಬಗ್ಗು ಬಡಿಯಲು ದೇಶವಾಸಿಗಳಿಗೆ ಮೋದಿಯಿಂದ 9 ಸಲಹೆ

Times fo Deenabandhu

ಕ್ಷಮೆ ಕೇಳಲು ನಾನು ರಾಹುಲ್‌ ಸಾವರ್ಕರ್‌ ಅಲ್ಲ, ರಾಹುಲ್‌ ಗಾಂಧಿ

Times fo Deenabandhu

ರಾಜ್ಯದ ಜನತೆಗೆ ಬಸ್​ ದರ ಏರಿಕೆಯ ಶಾಕ್​ ನೀಡಿದ ಸರ್ಕಾರ: ಶೇ. 12 ಟಿಕೆಟ್​ ದರ ಏರಿಕೆ

Times fo Deenabandhu