Times of Deenabandhu
ಪ್ರಧಾನ ಸುದ್ದಿ ಮುಖ್ಯಾಂಶಗಳು

 ರೋಗ ಲಕ್ಷಣ ಇಲ್ಲದ ರೋಗಿಗಳನ್ನು ಪತ್ತೆ ಹಚ್ಚುವುದೇ ದೊಡ್ಡ ಸವಾಲು!

ಹೊಸದಿಲ್ಲಿ: ಕೊರೊನಾ ವೈರಸ್ ಸೋಂಕಿತರ ಪೈಕಿ ಶೇಕಡಾ 80ರಷ್ಟು ಮಂದಿಯಲ್ಲಿ ರೋಗ ಲಕ್ಷಣವೇ ಕಾಣಿಸಲಿಲ್ಲ ಎಂಬ ವರದಿ ಬಂದಿತ್ತು. ಈ ಬಗ್ಗೆ ಹೆಚ್ಚಿನ ಸ್ಪಷ್ಟನೆ ನೀಡಿರುವ ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್), ಶೇಕಡಾ 69ರಷ್ಟು ಸೋಂಕಿತರಲ್ಲಿ ರೋಗ ಲಕ್ಷಣಗಳು ಕಾಣಿಸಿಕೊಂಡಿಲ್ಲ. ಉಳಿದಂತೆ ಶೇಕಡಾ 31ರಷ್ಟು ರೋಗಿಗಳಲ್ಲಿ ರೋಗ ಲಕ್ಷಣ ಕಾಣಿಸಿಕೊಂಡಿದೆ. ಈ ಮೂಲಕ 1:2 ಅನುಪಾತ ದಾಖಲಾಗಿದೆ ಎಂಬುದನ್ನು ತಿಳಿಸಿದೆ.

ರೋಗ ಲಕ್ಷಣ ಇಲ್ಲದ ಸೋಂಕಿತರನ್ನು ವೈದ್ಯಕೀಯ ತಪಾಸಣೆಗೆ ಒಳಪಡಿಸುವುದು ಸವಾಲಿನ ಕೆಲಸವಾಗಿದೆ. ಇಂತಹವರನ್ನು ಗುರುತಿಸುವುದು ಸವಾಲಿನ ಕೆಲಸವಾಗಿ ಮಾರ್ಪಾಟ್ಟಿದೆ.
ಐಸಿಎಂಆರ್ ಸಾಂಕ್ರಾಮಿಕ ರೋಗಶಾಸ್ತ್ರ ನಿರ್ದೇಶಕ ಡಾ. ಆರ್ ಗಂಗಖೇಡ್ಕರ್ ಪ್ರಕಾರ, “ಕೇವಲ ಒಂದು ಅಧ್ಯಯನದಲ್ಲಿ ಮಾತ್ರ ಶೇಕಡಾ 80ರಷ್ಟು ಪ್ರಕರಣಗಳು ರೋಗ ಲಕ್ಷಣ ರಹಿತವಾಗಿದೆ ಎಂಬುದನ್ನು ಸೂಚಿಸಿದೆ. ಎರಡನೇಯದಾಗಿ ಲಕ್ಷ ರಹಿತವಾದ ಸಂದರ್ಭದಲ್ಲಿ, ಅಥವಾ ರೋಗ ಲಕ್ಷಣಗಳು ಕ್ಷೀಣವಾದ್ದಲ್ಲಿ ರೋಗಿಯು ಬಂದು ಪ್ರಕರಣ ವರದಿ ಮಾಡುವ ಸಾಧ್ಯತೆ ಕಡಿಮೆಯಾಗಿದೆ” ಎಂದು ಹೇಳಿದರು.

“ನಾನು ಈಗ ಮೊದಲ ಬಾರಿಗೆ ಹೇಳುವುದೇನೆಂದರೆ, ನಾವು ಮಾಡಿದ ಪರೀಕ್ಷೆಗಳ ಸಂಖ್ಯೆ ನೋಡಿದರೆ ಇಲ್ಲಿಯವರೆಗೆ ಶೇಕಡಾ 31ರಷ್ಟು ಪ್ರಕರಣಗಳಲ್ಲಿ ರೋಗ ಲಕ್ಷಣ ಕಂಡುಬಂದಿದೆ. ಉಳಿದ 69ರಷ್ಟು ಪ್ರಕರಣಗಳಲ್ಲಿ ರೋಗ ಲಕ್ಷಣ ಕಂಡುಬಂದಿಲ್ಲ” ಎಂದವರು ಸ್ಪಷ್ಟಪಡಿಸಿದರು. ಈ ಬಗ್ಗೆ ಮತ್ತಷ್ಟು ಸ್ಪಷ್ಟನೆ ನೀಡಿದ ಗಂಗಖೇಡ್ಕರ್, ಅಲ್ಲಿ ಪತ್ತೆಯಾದ ಪ್ರತಿಯೊಂದು ಸೋಂಕಿತ ಪ್ರಕರಣಕ್ಕೂ ಲಕ್ಷಣ ರಹಿತವಾದ ಎರಡು ಪ್ರಕರಣಗಳು ದಾಖಲಾಗಿದೆ ಎಂದರು.
ರೋಗ ಲಕ್ಷಣ ರಹಿತ ಪ್ರಕರಣಗಳ ಬಗ್ಗೆ ಕಳವಳವನ್ನು ಪರಿಹರಿಸಲು ಪಯತ್ನಿಸಿರುವ ಕೇಂದ್ರ ಆರೋಗ್ಯ ಸಚಿವಾಲಯವು, ಅತ್ಯಂತ ಕ್ಷೀಣ ರೋಗ ಲಕ್ಷಣಗಳನ್ನು ಒಳಗೊಂಡಿರುವವರನ್ನು ಕಾಂಟಾಕ್ಟ್ ಟ್ರೇಸಿಂಗ್ ಹಾಗೂ ಸಮುದಾಯ ಕಣ್ಗಾವಲು ಮೂಲಕ ಗುರುತಿಸಲು ಪ್ರಯತ್ನ ನಡೆಯುತ್ತಿದೆ ಎಂದಿದೆ

ಡಬ್ಲ್ಯುಎಚ್ಒ ಅವಲೋಕಗಳನ್ನು ಉಲ್ಲೇಖಿಸಿ, ಆರೋಗ್ಯ ಸಚಿವಾಲಯವು ಇದನ್ನು ಮೂರು ಹಂತಗಳಾಗಿ ವಿಂಗಡಿಸಿತ್ತು. ಸಂಪೂರ್ಣವಾಗಿ ಲಕ್ಷಣ ರಹಿತ, ಪೂರ್ವ ರೋಗ ಲಕ್ಷಣ ಹಾಗೂ ರೋಗಲಕ್ಷಣ ರಹಿತ ಪ್ರಕರಣಗಳು. ಹಾಗೆಯೇ ಸಾಮಾನ್ಯವಾಗಿ ರೋಗಲಕ್ಷಣಗಳು ಕ್ಷೀಣವಾಗಿದ್ದಾಗ ಪೂರ್ವ ರೋಗಲಕ್ಷಣದ ಪ್ರಕರಣಗಳನ್ನು ಲಕ್ಷಣ ರಹಿತ ಎಂದು ಗುರುತಿಸಲಾಗಿತ್ತು.
ಕೊರೊನಾ ಲಕ್ಷಣ ಕಂಡುಬರದವರನ್ನು ಕ್ವಾರಂಟೈನ್ ಮಾಡಿ ಸೋಂಕು ಹರಡದಂತೆ ತಡೆಯುವುದು ಸವಾಲಿನ ಕೆಲಸವಾಗಿದೆ. ರೋಗ ಲಕ್ಷಣಗಳೇ ಕಾಣಿಸಿಕೊಳ್ಳದಿರುವುದು ಅಥವಾ ಅತ್ಯಂತ ಕ್ಷೀಣವಾಗಿ ಕಾಣಿಸಿಕೊಳ್ಳುವುದು ಸವಾಲಿನ ವಿಷಯವಾಗಿ ಮಾರ್ಪಾಟ್ಟಿದೆ. ಈ ನಿಟ್ಟಿನಲ್ಲಿ ಕಾಂಟಾಕ್ಟ್ ಟ್ರೇಸಿಂಗ್ ಹಾಗೂ ಸಮುದಾಯ ಕಣ್ಗಾವಲು ಎಷ್ಟು ಪರಿಣಾಮಕಾರಿ ಎನಿಸಿಕೊಳ್ಳಲಿದೆ ಎಂಬುದು ಸವಾಲಿನ ವಿಷಯವಾಗಿದೆ. ಈ ಹಂತದಲ್ಲಿ ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳಲು ಲಾಕ್‌ಡೌನ್ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವುದು ಅತಿ ಅಗತ್ಯವೆನಿಸುತ್ತದೆ.

Related posts

ರಾಜಮೌಳಿಯ ‘ಆರ್‌ಆರ್‌ಆರ್‌’ ಸಿನಿಮಾ ಶೀರ್ಷಿಕೆಯ ಅರ್ಥವೇನು?

Times fo Deenabandhu

 ಕೊರೊನಾ ವೈರಸ್ ತಡೆಗಟ್ಟುವ ಮದ್ದು ಉತ್ತಮ ಫಲಿತಾಂಶ ಕಾಣುತ್ತಿದೆ: ಅಮೆರಿಕ ವೈದ್ಯ

Times fo Deenabandhu

ಡಿಸೆಂಬರ್ 6ರ ನಂತರದ ‘ದುಬಾರಿ ದರ’ಗಳನ್ನು ಪ್ರಕಟಿಸಿದ ‘ಜಿಯೋ’

Times fo Deenabandhu