Times of Deenabandhu
  • Home
  • ಪ್ರಧಾನ ಸುದ್ದಿ
  • ಶೇ. 80ರಷ್ಟು ಕೊರೊನಾ ರೋಗಿಗಳಿಗೆ ಅತ್ಯಂತ ಕ್ಷೀಣ ಅಥವಾ ರೋಗ ಲಕ್ಷಣವೇ ಇಲ್ಲ!
ಪ್ರಧಾನ ಸುದ್ದಿ ಮುಖ್ಯಾಂಶಗಳು

ಶೇ. 80ರಷ್ಟು ಕೊರೊನಾ ರೋಗಿಗಳಿಗೆ ಅತ್ಯಂತ ಕ್ಷೀಣ ಅಥವಾ ರೋಗ ಲಕ್ಷಣವೇ ಇಲ್ಲ!

ಹೊಸದಿಲ್ಲಿ: ಕೊರೊನಾ ವೈರಸ್ ರೋಗ ತಡೆಗಟ್ಟುವುದರಲ್ಲಿ ವೈದ್ಯಕೀಯ ಇಲಾಖೆ ಎದುರಿಸುತ್ತಿರುವ ಅತಿ ದೊಡ್ಡ ಸವಾಲುಗಳಲ್ಲಿ ಇದೂ ಒಂದಾಗಿದೆ. ಇದುವರೆಗೆ ದಾಖಲಾಗಿರುವ ಒಟ್ಟು ಕೋವಿಡ್ 19 ಪಾಸಿಟಿವ್ ಪ್ರಕರಣಗಳಲ್ಲಿ ಶೇಕಡಾ 80ರಷ್ಟು ರೋಗಿಗಳಲ್ಲಿ ರೋಗ ಲಕ್ಷಣಗಳೇ ಕಾಣಿಸಿಕೊಂಡಿಲ್ಲ ಅಥವಾ ಅತ್ಯಂತ ಕ್ಷೀಣವಾಗಿ ಕಾಣಿಸಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ.

ಕಳೆದ ದಿನವಷ್ಟೇ ಕರ್ನಾಟಕದಲ್ಲಿ ದಾಖಲಾಗಿರುವ ಒಟ್ಟು ಪ್ರಕರಣಗಳಲ್ಲಿ ಶೇಕಡಾ 60ರಷ್ಟರಲ್ಲಿ ರೋಗ ಲಕ್ಷಣವೇ ಕಂಡುಬಂದಿರಲಿಲ್ಲ ಎಂಬುದನ್ನು ವರದಿ ಮಾಡಿದ್ದೆವು. ಇದಕ್ಕೆ ಸಮಾನವಾಗಿ ಭಾರತದೆಲ್ಲೆಡೆ ರೋಗ ಲಕ್ಷಣ ಕಾಣಿಸಿಕೊಳ್ಳದಿರುವುದು ವೈದ್ಯಕೀಯ ಇಲಾಖೆಯ ಪಾಲಿಗೆ ಸವಾಲಾಗಿ ಪರಿಣಮಿಸಿದೆ.
ಇದು ಲಾಕ್‌ಡೌನ್ ನಿಯಮ ಪಾಲಿಸಿಕೊಂಡು ಸಾಮಾಜಿಕ ಅಂತರವನ್ನು ಏಕೆ ಪಾಲಿಸಬೇಕು ಎಂಬುದನ್ನು ತಿಳಿಸುತ್ತದೆ. ಯಾಕೆಂದರೆ ಆರೋಗ್ಯವಂತರಾಗಿ ಕಾಣಿಸಿಕೊಂಡರೂ ರೋಗ ಇರುವುದು ಅರಿವಿಗೆ ಬರುವುದಿಲ್ಲ. ಇದರಿಂದ ಗೊತ್ತಿಲ್ಲದೆ ಮತ್ತಷ್ಟು ಮಂದಿಗೆ ರೋಗ ಹರಡುವ ಸಾಧ್ಯತೆ ಜಾಸ್ತಿಯಾಗಿರುತ್ತದೆ.
ಭಾರತದಲ್ಲಿ ಏಪ್ರಿಲ್ 14ರ ವರೆಗಿದ್ದ ಲಾಕ್‌ಡೌನ್ ಅವಧಿಯನ್ನು ಮೇ 3ರ ವರೆಗೆ ವಿಸ್ತರಿಸಲಾಗಿದೆ. ಈ ಅವಧಿಯಲ್ಲಿ ಸಾಮಾಜಿಕ ಅಂತರವನ್ನು ಪಾಲಿಸುವ ನಿಟ್ಟಿನಲ್ಲಿ ಜನರಲ್ಲಿ ಮನೆಯಲ್ಲೇ ಉಳಿದುಕೊಳ್ಳುವಂತೆ ತಿಳಿಸಲಾಗಿದೆ.
ಕೋವಿಡ್ 19 ರೋಗಿಗಳು ಮೂಕ ವಾಹಕಗಳಾಗಿದ್ದಾರೆಯೇ ಎಂಬುದಕ್ಕೆ ಪ್ರತಿಕ್ರಿಯಿಸಿರುವ ಕೇಂದ್ರ ಆರೋಗ್ಯ ಸಚಿವಾಲಯ ಮತ್ತು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಎಲ್ಲರನ್ನು ಪರೀಕ್ಷಿಸಲು ಸಾಧ್ಯವಾಗದಿದ್ದರೂ, ಈಗಿನ ವೈದ್ಯಕೀಯ ಪರೀಕ್ಷಾ ಕಾರ್ಯತಂತ್ರದಲ್ಲಿ ರೋಗ ಲಕ್ಷಣಗಳನ್ನು ಹೊಂದಿರದವರನ್ನು ಪರೀಕ್ಷಿಸಲು ಸಾಕಷ್ಟು ನಿಬಂಧನೆಗಳಿವೆ ಎಂದು ಹೇಳಿದೆ.

ಸಂಪರ್ಕ ಅಥವಾ ಪ್ರವಾಸ ಇತಿಹಾಸದೊಂದಿಗೆ ಹೈ ರಿಸ್ಕ್ ಪ್ರದೇಶಗಳಲ್ಲಿ ಅಲ್ಪ ಜ್ವರದ ಲಕ್ಷಣವೂ ಸೇರಿದೆ. ಉಸಿರಾಟದ ತೊಂದರೆ ಎದುರಿಸುವ ರೋಗಿಗಳನ್ನು ಇದು ಒಳಗೊಂಡಿದೆ ಎಂಬುದನ್ನು ತಿಳಿಸಿದೆ.
ವಿಶ್ವದ್ಯಾಂತ ವಿಶ್ಳೇಷಣೆಯ ಆಧಾರದಲ್ಲಿ ಶೇಕಡಾ 80ರಷ್ಟು ಕೊರೊನಾ ವೈರಸ್ ರೋಗಿಗಳು ರೋಗ ಲಕ್ಷಣ ರಹಿತರಾಗಿದ್ದಾರೆ ಅಥವಾ ಸೌಮ್ಯ ಲಕ್ಷಣವನ್ನು ಹೊಂದಿದ್ದಾರೆ. ಸುಮಾರು 15% ಜನರು ತೀವ್ರತರ ಮತ್ತು ಶೇಕಡಾ 5ರಷ್ಟು ಮಾತ್ರ ಗಂಭೀರ ಪ್ರಕರಣಗಳಾಗಿ ಬದಲಾಗುತ್ತಾರೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲಾವ್ ಅಗರ್ವಾಲ್ ತಿಳಿಸಿದ್ದಾರೆ.
ಏತನ್ಮಧ್ಯೆ ಕೆಲವು ರಾಜ್ಯಗಳು ಕೊರೊನಾ ವೈರಸ್ ಹರಡುವುದನ್ನು ತಡೆಯುವುದಲ್ಲಿ ಸಂಪೂರ್ಣ ನಿಯಂತ್ರಣವನ್ನು ಸಾಧಿಸಿದೆ. ಇದರಲ್ಲಿ ಕೇರಳ ಮುಂಚೂಣಿಯಲ್ಲಿ ಗುರುತಿಸಿಕೊಂಡಿದೆ. ಕೊರೊನಾ ವೈರಸ್ ದ್ವಿಗುಣಗೊಳ್ಳುವ ರಾಷ್ಟ್ರೀಯ ಸರಾಸರಿ 7.5 ದಿನಗಳಾಗಿದ್ದರೆ ಕೇರಳದಲ್ಲಿ ಈ ಸರಾಸರಿ 72.2 ದಿನಗಳಾಗಿದೆ.

Related posts

ಸರಳವಾಗಿ ನಡೆದ ಸ್ವಾತಂತ್ರ್ಯ ದಿನಾಚರಣೆ

Times fo Deenabandhu

ಕರ್ನಾಟಕ ‘ಐ ಲವ್ ಯೂ’ ಎಂದ ಕೊರೊನಾ..!

ಅಡ್ಜಸ್ಟ್‌ಮೆಂಟ್ ರಾಜಕಾರಣವನ್ನು ಹಿಂದೂ ಮಾಡಿಲ್ಲ, ಮುಂದೂ ಮಾಡಲ್ಲ: ಎಚ್‌.ಡಿ. ಕುಮಾರಸ್ವಾಮಿ