September 27, 2020
Times of Deenabandhu
  • Home
  • ಆರೋಗ್ಯ
  • ಇದೆಲ್ಲಾ ಕೊರೊನಾ ಬಗ್ಗೆ ಇರುವ ಸುಳ್ಳು ಸುದ್ದಿಗಳು, ನಂಬಲೇಬೇಡಿ!
ಆರೋಗ್ಯ ಪ್ರಧಾನ ಸುದ್ದಿ ಮುಖ್ಯಾಂಶಗಳು

ಇದೆಲ್ಲಾ ಕೊರೊನಾ ಬಗ್ಗೆ ಇರುವ ಸುಳ್ಳು ಸುದ್ದಿಗಳು, ನಂಬಲೇಬೇಡಿ!

 

ಕೊರೊನಾ ವೈರಸ್ ಎನ್ನುವುದು ದಿನಕ್ಕೆ ಸಾವಿರಾರು ಜನರ ಪ್ರಾಣ ಬಲಿ ಪಡೆಯುತ್ತಲಿದ್ದರೂ ಸಾಮಾಜಿಕ ಜಾಲತಾಣದಲ್ಲಿ ಕುಳಿತುಕೊಂಡು ಕೆಲವರು ಜನರ ಭೀತಿ ಹಾಗೂ ಭಾವನೆಗಳ ಜತೆಗೆ ಆಟವಾಡುತ್ತಿದ್ದಾರೆ. ಕೊರೊನಾ ನಿವಾರಣೆಗೆ ಆ ರೀತಿಯ ಮದ್ದು, ಈ ರೀತಿಯ ಮದ್ದು ತಿಂದರೆ ಒಳ್ಳೆಯದು ಎಂದು ಸುಳ್ಳು ಸುದ್ದಿ ಹಬ್ಬುತ್ತಿದ್ದಾರೆ. ಕೆಲವು ಜನರ ಮೇಲೆ ಈಗಾಗಲೇ ಕ್ರಮ ಕೂಡ ತೆಗೆದುಕೊಳ್ಳಲಾಗಿದೆ.

ಇಂತಹ ಸುಳ್ಳು ಸುದ್ದಿ ಹಬ್ಬಿಸುವ ಬದಲು ಜನರು ಒಳ್ಳೆಯ ಸುದ್ದಿ ಅಥವಾ ಉಪಾಯಗಳಿದ್ದರೆ ಅದನ್ನು ಹಂಚಿಕೊಳ್ಳಬೇಕು. ಭಾರತದಲ್ಲಿ ಕೂಡ ಜನರು ಇತರರನ್ನು ಮೂರ್ಖರನ್ನಾಗಿಸಿ ಅದರಿಂದ ಖುಷಿ ಪಡೆದು ಕೊಳ್ಳುತ್ತಿದ್ದಾರೆ. ಆದರೆ ಅವರು ಇದರ ಬಗ್ಗೆ ತಮ್ಮ ಮನಃಸಾಕ್ಷಿಯನ್ನು ಪ್ರಶ್ನಿಸಿಕೊಳ್ಳಬೇಕಾಗಿದೆ. ದೇಶ ಮಾತ್ರವಲ್ಲದೆ ಸಂಪೂರ್ಣ ವಿಶ್ವವೇ ಈ ಮಹಾಮಾರಿ ವಿರುದ್ಧ ಹೋರಾಟಕ್ಕೆ ಟೊಂಕಕಟ್ಟಿ ನಿಂತಿರುವಂತಹ ಸಂದರ್ಭದಲ್ಲಿ ಸಾಮಾಜಿಕ ಜಾಲತಾಣಗಳನ್ನು ಕೆಲವು ಜನರು ದುರುಪಯೋಗ ಮಾಡಿಕೊಳ್ಳುತ್ತಿರುವುದು ಸ್ಪಷ್ಟವಾಗಿದೆ.

ಅವರು ರಸ್ತೆಗಳಲ್ಲಿ ರಾಜಾರೋಷವಾಗಿ ತಿರುಗಾಡುತ್ತಿದ್ದಾರೆ. ಇವರು ತಮ್ಮ ಕುಟುಂಬವನ್ನು ಮಾತ್ರವಲ್ಲದೆ, ಅಕ್ಕಪಕ್ಕದವರು ಹಾಗೂ ಸಂಪೂರ್ಣ ಊರನ್ನೇ ಕೊರೊನಾಸೋಂಕಿಗೆ ಬಲಿ ಮಾಡುವಂತೆ ಪಣ ತೊಟ್ಟಂತೆ ಇದೆ. ಸರ್ಕಾರಗಳು ಆದಷ್ಟು ಕಾಳಜಿ ವಹಿಸಿ ಮನೆಯಲ್ಲೇ ಇರುವಂತೆ ಮನವಿ ಮಾಡಿಕೊಳ್ಳುತ್ತಿದೆ. ಇದರಲ್ಲಿ ಕೆಲವರು ಜನರ ಭೀತಿಯನ್ನು ದುರುಪಯೋಗ ಮಾಡಿ ಸುಳ್ಳು ಸುದ್ದಿ ಹಬ್ಬಿಸುತ್ತಿದ್ದಾರೆ. ಆದರೆ ಇಂತಹ ಸುದ್ದಿಗಳ ಕಡೆಗೆ ಗಮನ ಹರಿಸಬಾರದು ಎಂದು ಕೇಂದ್ರ ಆರೋಗ್ಯ ಸಚಿವಾಲಯವು ಜನರಲ್ಲಿ ವಿನಂತಿ ಮಾಡಿಕೊಂಡಿದೆ.

ಸತ್ಯ: ಹಿಂದೂಗಳು ಗೋವನ್ನು ಗೋಮಾತೆ ಎಂದು ಪೂಜಿಸುವರು. ಆದರೆ ಇದರರ್ಥ ಅದು ಕೊರೊನಾಬರದಂತೆ ತಡೆಯುವುದು ಎಂದಲ್ಲ. ಆಯುರ್ವೇದದ ಪ್ರಕಾರ ಹಿಂದಿನಿಂದಲೂ ಗೋಮೂತ್ರ ಮತ್ತು ಸೆಗಣಿಯನ್ನು ಕೆಲವೊಂದು ಔಷಧಿಗಳಲ್ಲಿ ಬಳಸಲಾಗುತ್ತಿತ್ತು. ಆದರೆ ಕೊರೋನಾಗೆ ಇದು ಚಿಕಿತ್ಸೆ ಆಗಬಹುದು ಎನ್ನುವುದು ಇದು ತಪ್ಪು. ನವದೆಹಲಿಯ ಫೋರ್ಟಿಸ್ ಹೃದಯ ಸಂಸ್ಥೆಯ ಹೃದರೋಗ ತಜ್ಞ ಡಾ. ಶೈಲೇಂದ್ರ ಭದೋರಿಯಾ ಅವರು ಹೇಳುವಂತೆ, ಸರಿಯಾದ ಸಂಶೋಧನೆ ಮಾಡದೆ ಗೋಮೂತ್ರವು ಕೊರೊನಾಸೋಂಕು ನಿವಾರಣೆ ಮಾಡುವುದು ಎಂದು ಹೇಳುವುದು ತಪ್ಪು. ಗೋಮೂತ್ರ ದಲ್ಲಿ ಕೊರೊನಾವೈರಸ್ ನ್ನು ಕೊಲ್ಲುವಂತಹ ಯಾವುದೇ ರೀತಿಯ ವೈರಲ್ ವಿರೋಧಿ ಗುಣಗಳು ಕಂಡಬಂದಿಲ್ಲ.

ಎರಡನೇ ಸುಳ್ಳು: ಕೊರೊನಾ ವೈರಸ್ ವಿರೋಧಿ ಹಾಸಿಗೆ

ಸಮಯದಲ್ಲೂ ತಮ್ಮ ಹಣ ಮಾಡುವ ಬುದ್ದಿ ಬಿಟ್ಟಿಲ್ಲ. ಇದು 15 ಸಾವಿರ ರೂಪಾಯಿಗೆ ಮಾರಾಟವಾಗುತ್ತಿತ್ತು ಮತ್ತು ಕೆಲವು ಜನರು ಇದನ್ನು ಖರೀದಿ ಮಾಡಿದ್ದಾರೆ ಕೂಡ. ನಿರ್ಮಾಪಕರ ವಿರುದ್ಧ ದೂರು ದಾಖಲುಗೊಂಡ ಬಳಿಕ ಈ ಜಾಹೀರಾತನ್ನು ಹಿಂಪಡೆಯಲಾಯಿತು.

ಮೂರನೇ ಸುಳ್ಳು: ಮಾಂಸದಿಂದ ಕೊರೊನಾ ಹರಡುವುದು

ಸತ್ಯ: ಚೀನಾದ ವುಹಾನ್ ನ ಮಾಂಸದ ಮಾರುಕಟ್ಟೆಯಿಂದಾಗಿ ಈ ವೈರಸ್ ಹಬ್ಬಿದೆ ಎಂಬ ಸುದ್ದಿ ಬಂದ ಬಳಿಕ ಜನರು ಮಾಂಸ ಸೇವನೆ ಮಾಡುವುದನ್ನೇ ನಿಲ್ಲಿಸಿಬಿಟ್ಟರು. ಆದರೆ ಇದು ನಿಜವಲ್ಲ. ಸಸ್ಯಾಹಾರವು ದೇಹಕ್ಕೆ ತುಂಬಾ ಒಳ್ಳೆಯದು ಎಂದು ಪರಿಗಣಿಸಲಾಗಿದೆ. ಆದರೆ ಮಾಂಸ ತಿನ್ನುವುದರಿಂದಾಗಿ ಈ ಕೊರೊನಾವೈರಸ್ ಹಬ್ಬುತ್ತದೆ ಎಂದು ಹೇಳಿರುವುದು ಸುಳ್ಳು. ಈ ಗಾಳಿಸುದ್ದಿಯನ್ನು ಸಂಪೂರ್ಣವಾಗಿ ತಳ್ಳಿ ಹಾಕಲಾಗಿದೆ ಮತ್ತು ವೈರಸ್ ಮತ್ತು ಇದಕ್ಕೆ ಯಾವುದೇ ಸಂಬಂಧವಿಲ್ಲವೆಂದು ಹೇಳಲಾಗಿದೆ.

ನಾಲ್ಕನೇ ಸುಳ್ಳು: ಆಲ್ಕೋಹಾಲ್ ಇಲ್ಲದೆ ಇರುವ ಸ್ಯಾನಿಟೈಸರ್ ಒಳ್ಳೆಯದು

 

ತುಂಬಾ ಜನಪ್ರಿಯವಾಗಿದೆ. ಕೊರೊನಾವೈರಸ್ ಸೋಂಕು ತಡೆಯಲು ಆಲ್ಕೋಹಾಲ್ ಗಿಂತಲೂ ಈ ಸ್ಯಾನಿಟೈಸರ್ ಒಳ್ಳೆಯದು ಎಂದು ಕೆಲವು ಜನರು ಭಾವಿಸಿದ್ದಾರೆ. ಕೀಟಾಣುಗಳನ್ನು ದೂರ ಮಾಡಲು ಜನರು ಆಲ್ಕೋಹಾಲ್ ಇಲ್ಲದೆ ಇರುವ ಸ್ಯಾನಿಟೈಸರ್ ನ್ನು ಬಳಕೆ ಮಾಡುತ್ತಲಿದ್ದಾರೆ. ಕೊರೊನಾಸೋಂಕಿನ ಅಪಾಯ ತಪ್ಪಲು ಆಲ್ಕೋಹಾಲ್ ಇರುವ ಸ್ಯಾನಿಟೈಸರನ್ನೇ ಬಳಕೆ ಮಾಡಬೇಕು ಎಂದು ವಿಶ್ವ ಆರೋಗ್ಯ ಸಂಸ್ಥೆಯು ಹೇಳಿದೆ.

ಐದನೇ ಸುಳ್ಳು: ಬೇಸಗೆಯ ಬಿಸಿಲು ಮತ್ತು ಬಿಸಿ ನೀರು ಕೊರೊನಾ ವೈರಸ್ ನ್ನು ಒದ್ದೋಡಿಸುವುದು

ಸತ್ಯ: ಬಿಸಿ ನೀರಿನಿಂದ ಸ್ನಾನ ಮಾಡಿದರೆ ಕೊರೊನಾವೈರಸ್ ನ್ನು ಕೊಲ್ಲಬಹುದು ಎಂದು ಹೇಳುವುದು ಸುಳ್ಳು. ಬೇಸಗೆಯ ಬಿಸಿಲು ಅತಿಯಾದರೆ ಆಗ ಅದರಿಂದ ಕೊರೊನಾವೈರಸ್ ನ್ನು ನಾಶ ಮಾಡಬಹುದು ಎನ್ನುವುದು ಕೂಡ ಸುಳ್ಳು. ವಿಶ್ವ ಆರೋಗ್ಯ ಸಂಸ್ಥೆಯು ಇದೆಲ್ಲವನ್ನೂ ಕಡೆಗಣಿಸಿದೆ. ಕೇಂದ್ರ ಆರೋಗ್ಯ ಸಚಿವಾಲಯ ಕೂಡ ಇದನ್ನು ನಿರಾಕರಿಸಿದೆ.

ಆರನೇ ಸುಳ್ಳು:ಗಾಳಿಯಿಂದ ಕೊರೊನಾ ವೈರಸ್ ಹಬ್ಬುವುದು

ಸತ್ಯ: ಸಾಮಾನ್ಯ ಪರಿಸ್ಥಿತಿಯಲ್ಲಿ ನೊವೆಲ್ ಕೊರೊನಾವೈರಸ್ ಗಾಳಿಯಲ್ಲಿ ಹರಡುತ್ತಿಲ್ಲ. ಸೀನುವಾಗ ಮತ್ತು ಕೆಮ್ಮುವಾಗ ಬರುವ ನೀರಿನ ಬಿಂದುಗಳಿಂದಾಗಿ ಇದು ಹಬ್ಬುವುದು ಮತ್ತು ಸೋಂಕಿತರ ಜತೆಗೆ ಸಂಪರ್ಕದಿಂದ ಬರಬಹುದು. ಮೂಗು, ಬಾಯಿ ಮತ್ತು ಕಣ್ಣುಗಳನ್ನು ಕೀಟಾಣುವಿರುವ ಕೈಗಳಿಂದ ಮುಟ್ಟಿದರೆ ಇದು ಬರುವುದು.

 

ಏಳನೇ ಸುಳ್ಳು: ಹಸಿ ಬೆಳ್ಳುಳ್ಳಿ ಮತ್ತು ಎಳ್ಳು ತಿಂದರೆ ಕೊರೊನಾ ತಡೆಯಬಹುದು

ಸತ್ಯ: ಬೆಳ್ಳುಳ್ಳಿ ಅಥವಾ ಎಳ್ಳು ತಿಂದರೆ ಅದರಿಂದ ಕೊರೊನಾ ವೈರಸ್ ಸೋಂಕನ್ನು ತಡೆಯಬಹುದು ಎಂದು ಹೇಳಿರುವುದು ಸುಳ್ಳು. ಬೆಳ್ಳುಳ್ಳಿ ಮತ್ತು ಎಳ್ಳಿನಲ್ಲಿ ಹಲವಾರು ಆರೋಗ್ಯಕಾರಿ ಗುಣಗಳು ಇದ್ದರೂ ಇದು ಕೊರೊನಾಸೋಂಕು ನಿವಾರಣೆ ಮಾಡದು. ಕೈಗಳನ್ನು ತೊಳೆದುಕೊಳ್ಳುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು, ಸ್ವಯಂ ಪ್ರತ್ಯೇಕವಾಗುವುದು ಮತ್ತು ಮಾಸ್ಕ್ ಧರಿಸುವುದರಿಂದ ಕೊರೊನಾಬರುವ ಅಪಾಯವನ್ನು ದೂರವಿಡಬಹುದು.

ಎಂಟನೇ ಸುಳ್ಳು: ದೇಹಕ್ಕೆ ಆಲ್ಕೋಹಾಲ್ ಅಥವಾ ಕೀಟಾಣು ನಾಶಕ ಸಿಂಪಡಣೆ ಮಾಡಿದರೆ ಕೊರೊನಾ ತಡೆಯಬಹುದು

ಮೂಲಕ ಸೋಂಕು ದೇಹದೊಳಗೆ ಪ್ರವೇಶಿಸಿದ ವೇಳೆ ಸೋಂಕು ಬರುವುದು. ಆಲ್ಕೋಹಾಲ್ ಇರುವ ಸೋಪ್ ಅಥವಾ ಸ್ಯಾನಿಟೈಸರ್ ನಿಂದ ಕೈಗಳನ್ನು ಸರಿಯಾಗಿ ತೊಳೆಯಿರಿ.

 

Related posts

ಉಪ ಚುನಾವಣೆಯ ಸಮರದಲ್ಲಿ ಗೆಲ್ಲುವ ಸೇನಾನಿಗಳು ಇವರು?

Times fo Deenabandhu

 ಪ್ರಯಾಣಿಕರ ರೈಲನ್ನು ಎಕ್ಸ್‌ಪ್ರೆಸ್ ರೈಲಾಗಿ ಪರಿವರ್ತಿಸಲು ನಿರ್ಧಾರ

 ಅಮೆರಿಕದಿಂದ 66 ಎಫ್‌–16 ಯುದ್ಧ ವಿಮಾನ ಖರೀದಿಸಲಿರುವ ತೈವಾನ್‌: ಚೀನಾಗೆ ಆತಂಕ

Times fo Deenabandhu