Times of Deenabandhu
  • Home
  • ಪ್ರಧಾನ ಸುದ್ದಿ
  • 21 ದಿನ ಬಡ ವರ್ಗಕ್ಕೆ ಸಹಾಯ ಮಾಡಿ ಕೋವಿಡ್‌ – 19 ವಿರುದ್ಧ ಹೋರಾಡೋಣ: ಮೋದಿ ಕರೆ
ದೇಶ ಪ್ರಧಾನ ಸುದ್ದಿ ಮುಖ್ಯಾಂಶಗಳು

21 ದಿನ ಬಡ ವರ್ಗಕ್ಕೆ ಸಹಾಯ ಮಾಡಿ ಕೋವಿಡ್‌ – 19 ವಿರುದ್ಧ ಹೋರಾಡೋಣ: ಮೋದಿ ಕರೆ

ಹೊಸದಿಲ್ಲಿ: ಕೋವಿಡ್‌ ಮಹಾಮಾರಿಯಿಂದ ಜಗತ್ತೇ ಸಂಕಷ್ಟದಲ್ಲಿದೆ. ಲಾಕ್‌ಡೌನ್‌ನಿಂದ ಅನೇಕರಿಗೆ ಕಷ್ಟಗಳು ಎದುರಾಗುವುದು ಖಚಿತವೇ! ಬಡವರಿಗೆ ಸಹಾಯ ಮಾಡಿ ಕೊರೊನಾ ವಿರುದ್ಧ ಹೋರಾಡುವ ಅಗತ್ಯವಿದೆ ಎಂದು ಪ್ರಧಾನಿ ಮೋದಿ ಹೇಳಿದರು.
ತಮ್ಮ ಸ್ವ ಕ್ಷೇತ್ರ ವಾರಾಣಸಿ ಜನರೊಂದಿಗೆ ವಿಡಿಯೋ ಕಾನ್ಫರೆನ್ಸ್‌ ನಡೆಸಿದ ಪ್ರಧಾನಿ ಮೋದಿ, ಲಾಕ್‌ಡೌನ್‌ನಿಂದ ಕೂಲಿ ಕಾರ್ಮಿಕರು ಸಂಕಷ್ಟಕ್ಕೆ ಈಡಾಗುತ್ತಾರೆ. ಜಾಗತಿಕ ಮಟ್ಟದಲ್ಲಿ ವೈರಸ್‌ ಹರಡುತ್ತಿದೆ. ಅನೇಕರಿಗೆ ಕಷ್ಟದ ದಿನಗಳು ಎದುರಾಗುತ್ತದೆ. ಬಡವರಿಗೆ ನೆರವಾಗುವ ಮೂಲಕವೂ ಕೊರೊನಾ ವೈರಸ್‌ ವಿರುದ್ಧ ಹೋರಾಡಬಹುದು. ಸಾಧ್ಯವಾಗುವವರು ಮುಂದಿನ 21 ದಿನಕ್ಕೆ 9 ಬಡ ಕುಟುಂಬದ ಜವಾಬ್ದಾರಿ ತೆಗೆದುಕೊಳ್ಳಿ ಎಂದು ಮೋದಿ ಕರೆ ನೀಡಿದರು.
ಕೊರೊನಾ ವೈರಸ್‌ ಹರಡುವ ವೇಳೆ ಬಡವ- ಶ್ರೀಮಂತವೆನ್ನುವ ವ್ಯತ್ಯಾಸ ಇರದು. ಎಲ್ಲರಿಗೂ ಕಷ್ಟ ಉಂಟಾಗುವ ಪರಿಸ್ಥಿತಿ ಎದುರಾಗುತ್ತದೆ. ಯೋಗ ಮಾಡುವವರನ್ನು, ವ್ಯಾಯಾಮ ಮಾಡುವವರನ್ನೂ ಈ ವೈರಸ್‌ ಸುಮ್ಮನೆ ಬಿಡದು. ಈ ಸತ್ಯವನ್ನು ಜನರು ಅರ್ಥೈಸಿಕೊಳ್ಳಬೇಕಿದೆ. ಕಾಶಿ ಜನರು ಇತರರಿಗೆ ಮಾರ್ಗದರ್ಶನ ಮಾಡುವ ಮೂಲಕ ದಾರಿ ತೋರುವುದು ಅವಶ್ಯ. ಸುಳ್ಳು ಸುದ್ದಿಗಳಿಗೆ ಕಿವಿಗೊಡದಿರಿ. ಸಾಮಾಜಿಕ ತಾಣಗಳಲ್ಲಿ ಬರುವ ಸುದ್ದಿಗಳನ್ನು ನಂಬಿ, ಸಂಕಷ್ಟಕ್ಕೆ ಸಿಲುಕಿಕೊಳ್ಳಬೇಡಿ. ಇದಕ್ಕಾಗಿಯೇ ಸರಕಾರ ಸಹಾಯವಾಣಿ ತೆರಿದಿದೆ ಎಂದರು.
ಕೊರೊನಾ ವೈರಸ್‌ಗೆ ಸಂಬಂಧಿಸಿದ ನಿಖರ ಮಾಹಿತಿಗಳಿಗಾಗಿ 9013151515 ವಾಟ್ಸ್‌ಆ್ಯಪ್‌ ನಂಬರ್‌ಗೆ ಮೆಸೇಜ್‌ ಮಾಡಬಹುದು. ಕೇಂದ್ರ ಸರಕಾರ ಇದೀಗ ವಾಟ್ಸ್‌ಆ್ಯಪ್‌ ಜತೆ ಸಹಯೋಗದಲ್ಲಿ ಹೆಲ್ಪ್‌ಲೈನ್‌ ಆರಂಭಿಸಿದೆ. ಈ ವಾಟ್ಸ್‌ಆ್ಯಪ್‌ ನಂಬರ್‌ಗೆ ಆಂಗ್ಲಭಾಷೆಯಲ್ಲಿ “ನಮಸ್ತೆ” ಎಂದು ಮೆಸೇಜ್‌ ಕಳುಹಿಸಿದಲ್ಲಿ ಕೊರೊನಾ ಕುರಿತು ಅಧಿಕೃತ ಮಾಹಿತಿ ಲಭ್ಯವಾಗಲಿದೆ.
ಕೊರೊನಾ ವೈರಸ್‌ ಕುರಿತು ಅನೇಕ ರೀತಿಯ ಸುಳ್ಳು ಸುದ್ದಿ ಸಾಮಾಜಿಕ ತಾಣಗಳಲ್ಲಿ ಹರಿದಾಡುತ್ತಿದ್ದು, ಯಾವ ಮಾಹಿತಿ ನಿಖರ ಎಂಬುದನ್ನು ವಾಟ್ಸ್‌ಆ್ಯಪ್‌ ನಂಬರ್‌ಗೆ ಮೆಸೇಜ್‌ ಮಾಡುವ ಮೂಲಕ ತಿಳಿಸುಕೊಳ್ಳಬಹುದು ಎಂದು ಮೋದಿ ವಿವರಿಸಿದರು.

ಲಾಕ್‌ಡೌನ್‌ಗೆ ಸಹಕರಿಸದೇ, ಅನಾವಶ್ಯವಾಗಿ ತಿರುಗಾಡುವುದು ಕಂಡು ಬಂದಲ್ಲಿ, ನಿರ್ದಾಕ್ಷಿಣ್ಯ ಕ್ರಮ ಕೈಗೊಳ್ಳುವಂತೆ ಪೊಲೀಸ್‌ ಅಧಿಕಾರಿಗಳಿಗೆ ನಿರ್ದೇಶಿಸಲಾಗಿದೆ. ಹೀಗಾಗಿ ಎಲ್ಲರೂ ಕಾನೂನು ಪಾಲಿಸಿ. ಸೋಷಿಯಲ್‌ ಡಿಸ್ಟೆನ್ಸಿಂಗ್‌ ಒಂದೇ ಅಸ್ತ್ರ ಎಂದರು.

Related posts

ಬೆಂಗಳೂರಿನಿಂದ ಯೋಧರನ್ನು ಕರೆದೊಯ್ಯಲು ವಿಶೇಷ ರೈಲು

Times fo Deenabandhu

ಈ ಮೀನಿನ ಬೆಲೆ ಎಷ್ಟು ಗೊತ್ತಾ ?

Times fo Deenabandhu

ರಾಜ್ಯದಲ್ಲಿ ಇಂದು ಕೂಡ  1000 ಗಡಿ ದಾಟಿದ ಕೊರೊನಾ…….19  ಸಾವು….. ಕಳೆದ 24 ಘಂಟೆಯಲ್ಲಿ ಎಲ್ಲೆಲ್ಲಿ? ಎಷ್ಟು? ಜನರಿಗೆ ಸೋಂಕು…….ಇಲ್ಲಿದೆ ಫುಲ್ ಡಿಟೈಲ್ಸ್……