Times of Deenabandhu
  • Home
  • ಮುಖ್ಯಾಂಶಗಳು
  • ಕೊರೊನಾ ವೈರಸ್‌ನಿಂದಾಗಿ ನಿಂತೇ ಹೋಗತ್ತಾ ಧಾರಾವಾಹಿಗಳು? ಟಿವಿ ಕಲಾವಿದರು ಈ ವೈರಸ್‌ನಿಂದ ಬಚಾವ್ ಆಗಲು ಮಾಡುತ್ತಿರೋದೇನು?
ಪ್ರಧಾನ ಸುದ್ದಿ ಮುಖ್ಯಾಂಶಗಳು ಸಿನಿಮಾ

ಕೊರೊನಾ ವೈರಸ್‌ನಿಂದಾಗಿ ನಿಂತೇ ಹೋಗತ್ತಾ ಧಾರಾವಾಹಿಗಳು? ಟಿವಿ ಕಲಾವಿದರು ಈ ವೈರಸ್‌ನಿಂದ ಬಚಾವ್ ಆಗಲು ಮಾಡುತ್ತಿರೋದೇನು?

Spread the love

‘ಕೊರೊನಾ ವೈರಸ್’ ಎಂದಕೂಡಲೇ ಭಯಪಡುವ ಪರಿಸ್ಥಿತಿ ಎದುರಾಗಿದೆ. ಇಡೀ ವಿಶ್ವ ಇದರ ಭಯದಲ್ಲೇ ಬದುಕುವಂತಾಗಿದೆ, ಜನಜೀವನ ಕೂಡ ಸಹಜವಾಗಿಲ್ಲ. ಒಂದು ವಾರಗಳ ಕಾಲ ಮಾಲ್‌, ಸಿನಿಮಾ ಥೀಯೇಟರ್‌ಗಳನ್ನು ಬಂದ್ ಮಾಡುವಂತೆ ಹೇಳಲಾಗಿದೆ. ಹೆಚ್ಚು ಜನ ಒಂದೆಡೆ ಸೇರದಂತೆ ಸರ್ಕಾರ ಆದೇಶ ನೀಡಿದೆ. ಯಾವುದೇ ಸಿನಿಮಾಗಳು ರಿಲೀಸ್ ಆಗುತ್ತಿಲ್ಲ, ಸುದ್ದಿಗೋಷ್ಠಿಗಳು ನಡೆಯುತ್ತಿಲ್ಲ, ಸಭೆ-ಸಮಾರಂಭಗಳು ಪೋಸ್ಟ್‌ಪೋನ್ ಆಗುತ್ತಿವೆ. ಹಾಗಾದರೆ ಪ್ರತಿನಿತ್ಯ ಪ್ರಸಾರವಾಗುವ ಧಾರಾವಾಹಿಗಳ ಕಥೆಯೇನು? ಹಲವು ಧಾರಾವಾಹಿಗಳು ವಾರದಲ್ಲಿ 6 ದಿನ ಪ್ರಸಾರವಾದರೆ, ಇನ್ನೂ ಕೆಲ ಧಾರಾವಾಹಿಗಳು 5 ದಿನ ಟೆಲಿಕಾಸ್ಟ್ ಆಗುತ್ತಿವೆ. ಆದರೆ ಸಿನಿಮಾ ಶೂಟಿಂಗ್ ನಡೆಯುತ್ತಿಲ್ಲ, ಧಾರಾವಾಹಿ ಶೂಟಿಂಗ್ ಕೂಡ ಇಲ್ಲ. ಈಗಾಗಲೇ ಚಿತ್ರೀಕರಣ ಆಗಿರುವ ಎಪಿಸೋಡ್‌ಗಳು ಯಾವುದೇ ತೊಂದರೆಯಿಲ್ಲದೆ ಪ್ರಸಾರವಾಗಬಹುದು, ಆದರೆ ಮುಂದೇನು? ಎಂಬ ಪ್ರಶ್ನೆ ಮೂಡಬಹುದು. ಶೂಟಿಂಗ್ ಅಂದರೆ ಅಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಕಲಾವಿದರು, ತಂತ್ರಜ್ಞರು ಇದ್ದೇ ಇರುತ್ತಾರೆ. ಆದರೆ ಹೆಚ್ಚು ಜನ ಒಂದೆಡೆ ಸೇರಿದರೆ ಕೊರೊನಾ ವೈರಸ್ ಹರಡುತ್ತದೆ ಎಂದು ಹೇಳಲಾಗುತ್ತಿದೆ. ಹಾಗಾದರೆ ಧಾರಾವಾಹಿ ತಂಡದ ಕಥೆಯೇನು? ಇಲ್ಲಿದೆ ಸಂಪೂರ್ಣ ಮಾಹಿತಿ
ಆರೋಗ್ಯ ತಪಾಸಣೆ ಮಾಡಿಸಿಕೊಂಡ ‘ಸತ್ಯಂ ಶಿವಂ ಸುಂದರಂ’ ಧಾರಾವಾಹಿ ತಂಡ
ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುವ ‘ಸತ್ಯಂ ಶಿವಂ ಸುಂದರಂ’ ಧಾರಾವಾಹಿ ತಂಡ ಸೆಟ್‌ನಲ್ಲಿಯೇ ಬೇಸಿಕ್ ಆರೋಗ್ಯ ತಪಾಸಣೆ ಮಾಡಿಸಿಕೊಂಡಿದೆ. ಅಷ್ಟೇ ಅಲ್ಲದೆ ಆರೋಗ್ಯದ ಕುರಿತಾಗಿ ಕಲಾವಿದರು, ತಂತ್ರಜ್ಞರು ವೈದ್ಯರಿಂದ ಕೆಲವೊಂದು ಆರೋಗ್ಯ ಸಲಹೆ-ಸೂಚನೆಯನ್ನು ಪಡೆದುಕೊಂಡಿದ್ದಾರಂತೆ. ‘ಸತ್ಯಂ ಶಿವಂ ಸುಂದರಂ’ ಧಾರಾವಾಹಿಗೆ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ. ಮೂರು ಜನರ ಲವ್ ಸ್ಟೋರಿಯನ್ನೊಳಗೊಂಡ ಕಥೆ ಆಧರಿತ ಸೀರಿಯಲ್ ಇದು. ಇದರ ಮಧ್ಯೆ ಹಲವು ಸಮಸ್ಯೆಗಳು. ಇವುಗಳನ್ನೆಲ್ಲ ಈ ಮೂರು ಜೋಡಿ ಹೇಗೆ ಎದುರಿಸುತ್ತದೆ ಎಂಬುದೇ ಇಲ್ಲಿನ ರೋಚಕ ಚಿತ್ರಕಥೆಯ ಮೂಲಕ ತೋರಿಸಲಾಗುತ್ತಿದೆ. ಚೇತನ್ ಚಂದ್ರ ಮತ್ತು ಅಪೂರ್ವ ಭಾರದ್ವಾಜ್ ಈ ಧಾರಾವಾಹಿಯಲ್ಲಿ ಮುಖ್ಯಭೂಮಿಕೆಯಲ್ಲಿ ನಟಿಸುತ್ತಿದ್ದಾರೆ.
ಮಾಸ್ಕ್ ಧರಿಸುತ್ತಲಿದೆ ‘ಕನ್ನಡತಿ’ ಧಾರಾವಾಹಿ ತಂಡ
ಕಲರ್ಸ್ ಕನ್ನಡ ವಾಹಿನಿಯ ‘ಕನ್ನಡತಿ’ ಧಾರಾವಾಹಿ ತಂಡ ಚಿತ್ರೀಕರಣದ ಹೊರತಾಗಿ, ಕಲಾವಿದರು, ತಂತ್ರಜ್ಞರು ಉಳಿದ ಸಮಯದಲ್ಲಿ ಸೂಕ್ತವಾದ ರೀತಿಯಲ್ಲಿ ಮಾಸ್ಕ್ ಧರಿಸುತ್ತಿದ್ದಾರೆ. ‘ಸುರಕ್ಷತಾ ಕ್ರಮ ಕೈಗೊಂಡರೆ ಕಾಯಿಲೆಯಿಂದ ಪಾರಾಗಬಹುದು. ಒಬ್ಬರು ಮಾಸ್ಕ್ ಧರಿಸಿದರೆ, ಉಳಿದವರು ಕೂಡ ಇದನ್ನು ನೋಡಿ ಮಾಸ್ಕ್ ಧರಿಸುತ್ತಾರೆ. ಪದೇ ಪದೇ ಸ್ಯಾನಿಟೈಸರ್‌ನಿಂದ ಕೈಯನ್ನು ತೊಳೆದುಕೊಳ್ಳಬೆಕು, ಜಾಸ್ತಿ ನೀರು ಕುಡಿಯಬೇಕು’ ಎನ್ನುತ್ತಾರೆ ‘ಕನ್ನಡತಿ’ ಸೀರಿಯಲ್ ನಟ ಕಿರಣ್‌ ರಾಜ್. ಈ ಧಾರಾವಾಹಿಯಲ್ಲಿ ನಟಿ ರಂಜನಿ ರಾಘವನ್ ನಟಿಸುತ್ತಿದ್ದಾರೆ. ಕನ್ನಡದ ಕುರಿತ ವಿಶೇಷ ಕಾಳಜಿ ಹೊಂದಿರುವ ಈ ಸೀರಿಯಲ್, ಸಾಮಾಜಿಕ ಜಾಗೃತಿ ಮೂಡಿಸುತ್ತಿದೆ. ಈ ಧಾರಾವಾಹಿಯ ಟಿಆರ್‌ಪಿ ಮಟ್ಟ ಕೂಡ ಚೆನ್ನಾಗಿದೆ.
ಧಾರಾವಾಹಿ ನಿಲ್ಲತ್ತಾ?
ಇನ್ನೂ ಕೆಲ ಧಾರಾವಾಹಿ ತಂಡದಲ್ಲಿ ಕಲಾವಿದರಿಗೆ ಮೇಕಪ್ ಮಾಡುವ ಮೇಕಪ್‌ ಮ್ಯಾನ್‌ಗಳು ಹೆಚ್ಚು ಸ್ಯಾನಿಟೈಸರ್ ಬಳಕೆ ಮಾಡುತ್ತಿದ್ದಾರಂತೆ, ಗ್ಲೌಸ್ ಬಳಸುತ್ತಿದ್ದಾರಂತೆ. ಧಾರಾವಾಹಿ ಚಿತ್ರೀಕರಣ ಕೂಡ ಕೆಲಕಾಲ ಸ್ಟಾಪ್ ಆಗಲಿದೆ. ಹೀಗಾದರೆ ಧಾರಾವಾಹಿ ಪ್ರಸಾರ ನಿಂತುಹೋಗತ್ತಾ ಎಂಬ ಪ್ರಶ್ನೆ ಮೂಡಬಹುದು. ಇಲ್ಲ, ಖಂಡಿತ ಇಲ್ಲ, ಸೀರಿಯಲ್ ಬರದೇ ಇದ್ದಲ್ಲಿ ಎಷ್ಟೋ ಮನೆಗಳಲ್ಲಿ ಹೆಂಗಸರು ಶಾಪ ಹಾಕಲು ಆರಂಭಿಸುತ್ತಾರೆ. ಹೀಗಾಗಿ ಧಾರಾವಾಹಿ ತಂಡ ಕೆಲವೊಮ್ಮೆ ಹಗಲು-ರಾತ್ರಿ ಶೂಟಿಂಗ್ ಮಾಡಿ 15 ರಿಂದ 1 ತಿಂಗಳುಗಳಿಗೆ ಸಾಕಾಗುವಷ್ಟು ಎಪಿಸೋಡ್‌ಗಳನ್ನು ಚಿತ್ರೀಕರಣ ಮಾಡಿಕೊಂಡಿರುತ್ತದೆ. ಹೀಗಾಗಿ ಧಾರಾವಾಹಿ ಮಾತ್ರ ಎಂದಿನಂತೆ ಯಾವುದೇ ತೊಂದರೆಯಿಲ್ಲದೆ ಪ್ರಸಾರವಾಗುತ್ತದೆ. ಹೀಗಾಗಿ ಧಾರಾವಾಹಿ ಪ್ರಿಯರೇ, ಆತಂಕಗೊಳ್ಳಬೇಡಿ.


Spread the love

Related posts

ದೇಶಾದ್ಯಂತ ಪೆಟ್ರೋಲ್, ಡೀಸೆಲ್ ದರ ಗಣನೀಯ ಇಳಿಕೆ

Times fo Deenabandhu

ಸಿಆರ್​ಪಿಎಫ್​ ನಾಯಿಗಳಿಗೆ ವಿಶೇಷ ‘ಪೊಲೀಸ್​ ಡಾಗ್ ಕ್ಯಾಮೆರಾ’

Times fo Deenabandhu

ಸ್ಟೆಮ್‌ ಸೆಲ್‌ ಟ್ರಾನ್ಸ್‌ಪ್ಲಾಂಟ್‌ ಚಿಕಿತ್ಸೆ, ಲಂಡನ್‌ನಲ್ಲಿ ಎಚ್‌ಐವಿ ಸೋಂಕಿತ ಗುಣಮುಖ

Times fo Deenabandhu
velit, libero ut massa felis dolor. odio elementum