Times of Deenabandhu
ಪ್ರಧಾನ ಸುದ್ದಿ ಮುಖ್ಯಾಂಶಗಳು

1 ರೂಪಾಯಿಗೆ 1ಜಿಬಿ ಡೇಟಾ!

ಇತ್ತೀಚಿಗೆ ಎಲ್ಲ ಮೊಬೈಲ್‌ ಕಂಪನಿಗಳೂ ಇಂಟರ್‌ನೆಟ್ ದರವನ್ನು ಶೇ. 40 ರಷ್ಟು ಹೆಚ್ಚಿಸಿವೆ. ಈ ವರ್ಷವೂ ಕೂಡ ಮೊಬೈಲ್‌ ಶುಲ್ಕ ಹೆಚ್ಚಾಗಬಹುದು ಎಂಬ ನಿರೀಕ್ಷೆ ಇದೆ. ಇದೇ ಸಂದರ್ಭದಲ್ಲಿ ಇಂಟರ್ನೆಟ್‌ ಬಳಕೆದಾರರಿಗೆ ಸಂತಸದ ಸುದ್ದಿಯೊಂದಿದೆ. ರಿಲಯನ್ಸ್‌ ಜಿಯೊಗೆ ಸ್ಪರ್ಧೆ ನೀಡಲು ಬೆಂಗಳೂರಿನ ಸ್ಟಾರ್ಟಪ್‌ವೊಂದು ಮುಂದಾಗಿದೆ. 1 ರೂಪಾಯಿಗೆ 1ಜಿಬಿ ಡೇಟಾ ಕೊಡುವ ಇಂಗಿತವನ್ನು ವ್ಯಕ್ತಪಡಿಸಿದೆ. ರಿಲಯನ್ಸ್‌ ಜಿಯೋ ಆರಂಭವಾದ ವರ್ಷದಲ್ಲೇ (2016) ಈ ಸ್ಟಾರ್ಟಪ್‌ ಕೂಡ ಆರಂಭವಾಗಿದೆ. ಆದರೆ ಇಂದಿಗೂ ಸೇವೆಯನ್ನು ಆರಂಭಿಸಿಲ್ಲ. ಆದರೆ, ಅಗ್ಗದ ದರದಲ್ಲಿ ಇಂಟರ್ನೆಟ್‌ ಪೂರೈಸಲು ಸಿದ್ಧತೆ ನಡೆಸಿದೆ.
ಜಿಯೊ ಆರಂಭವಾದ 2016ರಲ್ಲೇ ಈ ‘ವೈಫೈ ಡಬ್ಬಾ’ ಎನ್ನುವ ಸ್ಟಾರ್ಟಪ್‌ ಆರಂಭಗೊಂಡಿದೆ. ಆದಾಗ್ಯೂ, ಭಾರತದಲ್ಲಿಇನ್ನೂ ಸೇವೆಯನ್ನು ಆರಂಭಿಸಿಲ್ಲ. ವ್ಯಾಪಕ ಸಿದ್ಧತೆಗಳನ್ನು ನಡೆಸಿರುವ ಈ ಸ್ಟಾರ್ಟಪ್‌ ಬೆಂಗಳೂರಿನಲ್ಲಿ ಮೊದಲ ಬಾರಿಗೆ ಸೇವೆ ಆರಂಭಿಸುವ ಯೋಜನೆ ಹೊಂದಿದೆ. ಅಗ್ಗದ ದರದಲ್ಲಿಉತ್ತಮ ಸೇವೆ ಒದಗಿಸುವುದಾಗಿ ಹೇಳಿಕೊಂಡಿದೆ.
”ಎಲ್ಲರಿಗೂ ಅಗ್ಗದ ದರಕ್ಕೆ ಡೇಟಾ ಸೇವೆ ಸಿಗಬೇಕು ಎನ್ನುವುದು ನಮ್ಮ ಉದ್ದೇಶ,” ಎಂದು ವೈಫೈ ಡಬ್ಬಾದ ಸಿಇಒ ಕರಂ ಲಕ್ಷ್ಮಣ್‌ ತಿಳಿಸಿದ್ದಾರೆ.
ಥರ್ಡ್‌ ಪಾರ್ಟಿ ಹಾರ್ಡ್‌ವೇರ್‌, ಸಾಫ್ಟ್‌ವೇರ್‌, ನೆಟ್‌ವರ್ಕಿಂಗ್‌ ಮೂಲ ಸೌಕರ್ಯಗಳನ್ನು ಬಳಸಿದಾಗ ಡೇಟಾ ದರಗಳು ಏರಿಕೆಯಾಗುತ್ತವೆ. ಆದರೆ, ವೈಫೈ ಡಬ್ಬಾ ಥರ್ಡ್‌ ಪಾರ್ಟಿಯನ್ನು ನೆಚ್ಚಿಕೊಂಡಿಲ್ಲ ಎಂದು ಕಂಪನಿ ಹೇಳಿಕೊಂಡಿದೆ.
ಮೊದಲಿಗೆ ಬೆಂಗಳೂರಿನಲ್ಲಿ, ನಂತರ ದೇಶದ ಇತರೆ ನಗರಗಳಿಗೆ ಸೇವೆ ವಿಸ್ತಾರಗೊಳ್ಳಲಿದೆ. ವೈಫೈ ಡಬ್ಬಾ ಸಿಗ್ನಲ್‌ಗೆ ಯಾರು ಬೇಕಾದರೂ ತಮ್ಮ ಮೊಬೈಲ್‌ ನಂಬರ್‌ ಮತ್ತು ಒಟಿಪಿ ಮೂಲಕ ಕನೆಕ್ಟ್ ಆಗಬಹುದು.
ನಗರದ ಕೇಬಲ್‌ ಆಪರೇಟರ್‌ಗಳೊಂದಿಗೆ ಸಹಭಾಗಿತ್ವ ಹೊಂದಿರುವ ಈ ಸ್ಟಾರ್ಟಪ್‌, ಉತ್ತಮ ಗುಣಮಟ್ಟದ ವೇಗದ ಡೇಟಾ ಸೇವೆ ನೀಡುವುದಾಗಿ ಭರವಸೆ ನೀಡಿದೆ. ನಗರದ ಯಾವುದೇ ಟೀ ಸ್ಟಾಲ್‌ ಹಾಗೂ ಸಣ್ಣ ಸಣ್ಣ ಅಂಗಡಿಗಳಲ್ಲಿಪ್ರೀಪೇಯ್ಡ್‌ ಕೂಪನ್‌ ಖರೀದಿ ಮಾಡಿ ಡೇಟಾ ಪ್ಯಾಕ್‌ ಪಡೆಯಬಹುದು.

Related posts

24×7 ನೆಫ್ಟ್​ ಸೇವೆ ಆರಂಭವಾಗಿದ್ದು,ವಿಶ್ವದ ಕೆಲವೇ ರಾಷ್ಟ್ರಗಳ ಪಟ್ಟಿಗೆ ಭಾರತ: ಕೇವಲ 8 ಗಂಟೆಗಳ ವಹಿವಾಟು ಎಷ್ಟು ನೋಡಿ..!

Times fo Deenabandhu

ಶುಕ್ರಗ್ರಹದ ಅಧ್ಯಯನಕ್ಕೆ ಸಿದ್ಧವಾಗುತ್ತಿದೆ ನಾಸಾ: ಭೌಗೋಳಿಕ ಲಕ್ಷಣ ಅಧ್ಯಯನಕ್ಕೆ ತಯಾರಿ!

 ಕೊರೊನಾ ಕೇಸ್‌ಗಳಲ್ಲಿ ಚೀನಾದ ವುಹಾನ್‌ ಮೀರಿಸಿದ ಮುಂಬೈ..! ಬರೋಬ್ಬರಿ 51 ಸಾವಿರ ಸೋಂಕಿತರು