Times of Deenabandhu
ಪ್ರಧಾನ ಸುದ್ದಿ ಮುಖ್ಯಾಂಶಗಳು ರಾಜಕೀಯ ರಾಜ್ಯ ಶಿವಮೊಗ್ಗ

ಆಪರೇಷನ್‌ ಸಕ್ಸಸ್ ಮಾಡಿದ ಯಡಿಯೂರಪ್ಪ….

ಬೆಂಗಳೂರು: ರಾಜ್ಯದ 15 ವಿಧಾನಸಭಾ ಕ್ಷೇತ್ರಗಳಿಗೆ ನಡೆದ ಉಪಚುನಾವಣೆಯಲ್ಲಿಬಿಜೆಪಿಯ 12 ಶಾಸಕರನ್ನು ಭರ್ಜರಿಯಾಗಿ ಗೆಲ್ಲಿಸುವ ಮೂಲಕ ರಾಜಕೀಯ ಅನಿಶ್ಚಿತತೆಗೆ ಮತದಾರರು ತೆರೆ ಎಳೆದಿದ್ದಾರೆ. ಸುಮಾರು ಹದಿನೆಂಟು ತಿಂಗಳಿಂದ ರಾಜ್ಯ ರಾಜಕಾರಣದಲ್ಲಿಸೃಷ್ಟಿಯಾಗಿದ್ದ ಅತಂತ್ರ ಸನ್ನಿವೇಶಕ್ಕೆ ಮುಕ್ತಿ ಸಿಕ್ಕಿದೆ. ಮುಂದಿನ ಮೂರೂವರೆ ವರ್ಷ ಕಾಲ ಸಮರ್ಥ ಆಡಳಿತ ನೀಡಿ ಜನಮನ ಗೆಲ್ಲುವ ಅಪೂರ್ವ ಅವಕಾಶ ಸಿಎಂ ಯಡಿಯೂರಪ್ಪ ಅವರಿಗೆ ಸಿಕ್ಕಿದೆ.

ರಾಜಸ್ಥಾನ, ಮಧ್ಯಪ್ರದೇಶದ ಬಳಿಕ ಮಹಾರಾಷ್ಟ್ರದಲ್ಲೂಅಧಿಕಾರ ಕಳೆದುಕೊಂಡು ಬಿಜೆಪಿ ಹಿನ್ನಡೆಯಲ್ಲಿದೆ. ಹಾಗಾಗಿ ಕರ್ನಾಟಕದಲ್ಲಿ’ಟೀಮ್‌ ಯಡಿಯೂರಪ್ಪ’ ಗೆಲುವು ಬಿಜೆಪಿ ಪಾಲಿಗೆ ಮಹತ್ವದ್ದಾಗಿದೆ. ಈ ಹಿನ್ನೆಲೆಯಲ್ಲಿಪಕ್ಷದ ಹೈಕಮಾಂಡ್‌ ಯಡಿಯೂರಪ್ಪ ಅವರನ್ನು ವಿಶೇಷ ಗೌರವದಿಂದ ನೋಡಲೇಬೇಕಾಗುತ್ತದೆ.

ಹದಿಮೂರು ಕ್ಷೇತ್ರಗಳಲ್ಲಿಸ್ಪರ್ಧಿಸಿದ್ದ ಅನರ್ಹ ಶಾಸಕರ ಪೈಕಿ 11 ಮಂದಿ ಮಾತ್ರ ಅರ್ಹರಾಗಿದ್ದಾರೆ. ಮಾಜಿ ಸಚಿವರಾದ ಎಂ.ಟಿ.ಬಿ.ನಾಗರಾಜ್‌ ಹಾಗೂ ಎಚ್‌.ವಿಶ್ವನಾಥ್‌ ಮುಗ್ಗರಿಸಿದ್ದಾರೆ. ಈ ನಡುವೆ, ಹೀನಾಯ ಸೋಲಿನ ನೈತಿಕ ಹೊಣೆ ಹೊತ್ತು ಕಾಂಗ್ರೆಸ್‌ ಶಾಸಕಾಂಗ ಪಕ್ಷದ ನಾಯಕ ಸ್ಥಾನಕ್ಕೆ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಅಧ್ಯಕ್ಷ ಸ್ಥಾನಕ್ಕೆ ದಿನೇಶ್‌ ಗುಂಡೂರಾವ್‌ ರಾಜೀನಾಮೆ ನೀಡಿದ್ದಾರೆ. ಮರು ಮೈತ್ರಿ ಸ್ಥಾಪನೆ ಕನಸು ಕಾಣುತ್ತಿದ್ದ ಜೆಡಿಎಸ್‌ ಶೂನ್ಯ ಸಂಪಾದನೆ ಮಾಡಿದೆ. ಹಳೆ ಮೈಸೂರಿನ ಒಕ್ಕಲಿಗ ವಲಯದಲ್ಲಿಜೆಡಿಎಸ್‌ಗೆ ಮತ್ತೊಮ್ಮೆ ಬಲವಾದ ಏಟು ಬಿದ್ದಿದೆ.

ಎಲ್ಲೆಲ್ಲಿ ಯಾರ ಗೆಲುವು?

ಬಿಜೆಪಿ
ಮಹೇಶ್‌ ಕುಮಠಳ್ಳಿ, ಅಥಣಿ
ಶ್ರೀಮಂತ್‌ ಪಾಟೀಲ್‌, ಕಾಗವಾಡ
ರಮೇಶ್‌ ಜಾರಕಿಹೊಳಿ, ಗೋಕಾಕ್‌
ಶಿವರಾಂ ಹೆಬ್ಬಾರ್‌, ಯಲ್ಲಾಪುರ
ಅರುಣ್‌ಕುಮಾರ್‌, ರಾಣೆಬೆನ್ನೂರು
ಬಿ.ಸಿ.ಪಾಟೀಲ್‌, ಹಿರೇಕೆರೂರು
ಆನಂದ್‌ ಸಿಂಗ್‌, ವಿಜಯನಗರ
ಡಾ. ಕೆ.ಸುಧಾಕರ್‌, ಚಿಕ್ಕಬಳ್ಳಾಪುರ
ಭೈರತಿ ಬಸವರಾಜ್‌, ಕೆ.ಆರ್‌.ಪುರ
ಎಸ್‌.ಟಿ.ಸೋಮಶೇಖರ್‌, ಯಶವಂತಪುರ
ಕೆ. ಗೋಪಾಲಯ್ಯ, ಮಹಾಲಕ್ಷ್ಮಿ ಲೇಔಟ್‌
ನಾರಾಯಣ ಗೌಡ, ಕೆ.ಆರ್‌.ಪೇಟೆ

ಕಾಂಗ್ರೆಸ್‌
ರಿಜ್ವಾನ್‌ ಅರ್ಷದ್‌, ಶಿವಾಜಿನಗರ
ಎಚ್‌.ಪಿ.ಮಂಜುನಾಥ, ಹುಣಸೂರು

ಬಿಜೆಪಿ ಬಂಡಾಯ
ಶರತ್‌ ಬಚ್ಚೇಗೌಡ, ಹೊಸಕೋಟೆ

ಅತಿ ಹೆಚ್ಚು ಅಂತರದ ಗೆಲುವು
ಬೈರತಿ ಬಸವರಾಜ್‌, ಕೆ ಆರ್‌ ಪುರ (ಬಿಜೆಪಿ) 63443

ಅತಿ ಕಡಿಮೆ ಅಂತರದ ಗೆಲುವು
ನಾರಾಯಣ ಗೌಡ, ಕೆ.ಆರ್‌.ಪೇಟೆ (ಬಿಜೆಪಿ) 9731

ಕ್ಷೀಣಗೊಂಡ ಜೆಡಿಎಸ್‌
ಒಕ್ಕಲಿಗ ಪ್ರಾಬಲ್ಯವಿರುವ ಏಳು ಕ್ಷೇತ್ರಗಳ ಪೈಕಿ ದಳ ಧೂಳಿಪಟವಾಗಿದೆ. ಒಕ್ಕಲಿಗ ಸಮುದಾಯದ ಹೊಸಮುಖಗಳಾದ ಡಿಸಿಎಂ ಅಶ್ವತ್ಥನಾರಾಯಣ, ಡಾ. ಕೆ.ಸುಧಾಕರ, ಪ್ರೀತಂ ಗೌಡರ ವೇಗಕ್ಕೆ ಕಡಿವಾಣ ಹಾಕಲು ಜೆಡಿಎಸ್‌ ವಿಫಲವಾಗಿದೆ. ಮಂಡ್ಯ, ಚಿಕ್ಕಬಳ್ಳಾಪುರ ಕ್ಷೇತ್ರದಲ್ಲಿಇದೇ ಮೊದಲ ಬಾರಿಗೆ ಕೇಸರಿ ಧ್ವಜ ಹಾರಾಡಿದೆ. ಕೆ.ಆರ್‌.ಪೇಟೆಯಲ್ಲಿಸಿಎಂ ಯಡಿಯೂರಪ್ಪ ಪುತ್ರ ಬಿ.ವೈ.ವಿಜಯೇಂದ್ರ ತಂತ್ರಗಾರಿಕೆ ಫಲ ನೀಡಿದೆ.

ಬದಲಾದ ಸಂಖ್ಯಾಬಲ
ಬಿಜೆಪಿಯ ಸ್ಥಾನ ಬಲ 117ಕ್ಕೆ ಏರಿಕೆ. ಪಕ್ಷೇತರ ಅಭ್ಯರ್ಥಿ ನಾಗೇಶ್‌ ಸರಕಾರದ ಭಾಗವಾಗಿದ್ದಾರೆ. ಹೀಗಾಗಿ ಬಿಜೆಪಿ ಸಂಖ್ಯಾಬಲ 118. ಜೆಡಿಎಸ್‌ 34ಕ್ಕೆ ಹಾಗೂ ಕಾಂಗ್ರೆಸ್‌ 68ಕ್ಕೆ ಕುಸಿದಿದೆ. ಬಿಎಸ್ಪಿಯ ಎನ್‌.ಮಹೇಶ್‌ ಕೂಡ ಸರಕಾರವನ್ನು ಬೆಂಬಲಿಸುವ ಸಾಧ್ಯತೆ ಇದೆ. ಖಾಲಿ ಇರುವ ಮಸ್ಕಿ ಹಾಗೂ ರಾಜರಾಜೇಶ್ವರಿನಗರದಲ್ಲೂಬಿಜೆಪಿ ಗೆಲುವಿನ ನಿರೀಕ್ಷೆ ಹೊಂದಿದೆ.

ಬಿಜೆಪಿ ಗೆಲುವಿಗೆ 5 ಕಾರಣ
1. ಲಿಂಗಾಯತ ಮತಗಳ ಕ್ರೋಡೀಕರಣ
2. ಸ್ಥಿರ ಸರಕಾರ ಇರಲೆಂಬ ಆಶಯ
3. ಯಡಿಯೂರಪ್ಪ ನಾಯಕತ್ವದ ಮೇಲೆ ನಂಬಿಕೆ
4. ಬಲಗೊಳ್ಳದ ಕಾಂಗ್ರೆಸ್‌-ಜೆಡಿಎಸ್‌ ಒಳ ಹೊಂದಾಣಿಕೆ
5. ಕ್ಷೇತ್ರದಲ್ಲಿಅನರ್ಹ ಶಾಸಕರ ವೈಯಕ್ತಿಕ ಪ್ರಭಾವ

Related posts

ಸಿಎಂ ಮನೆಗೂ ಕಾಲಿಟ್ಟ ಕೊರೊನಾ, ಸಿಬ್ಬಂದಿಗೆ ಪಾಸಿಟಿವ್‌, ಯಡಿಯೂರಪ್ಪ ಕ್ವಾರಂಟೈನ್

ಶಿವಮೊಗ್ಗ ವಿಧಾನಸಭಾ ಕ್ಷೇತ್ರದ ಮತದಾರರಿಗೆ ಸೂಚನೆ:ಉಚಿತ ಸ್ವ ಉದ್ಯೋಗ ತರಬೇತಿಗೆ ಅರ್ಜಿ ಆಹ್ವಾನ: ಫೆ. 03 ರಂದು ವಿದ್ಯುತ್ ವ್ಯತ್ಯಯ

Times fo Deenabandhu

ಟಾಲಿವುಡ್‌ಗೆ ನಟಿ ರಚಿತಾ ರಾಮ್‌

Times fo Deenabandhu