Times of Deenabandhu
  • Home
  • ಮುಖ್ಯಾಂಶಗಳು
  • ರಾಜ್ಯದ ಜನ ನಿರೀಕ್ಷಿಸಿದಂತೆ ಮೈತ್ರಿ ಸರಕಾರ ನಡೆದುಕೊಂಡಿಲ್ಲ- ಎಸ್‌.ಎಂ. ಕೃಷ್ಣ ಟೀಕೆ
ಮುಖ್ಯಾಂಶಗಳು ರಾಜಕೀಯ

ರಾಜ್ಯದ ಜನ ನಿರೀಕ್ಷಿಸಿದಂತೆ ಮೈತ್ರಿ ಸರಕಾರ ನಡೆದುಕೊಂಡಿಲ್ಲ- ಎಸ್‌.ಎಂ. ಕೃಷ್ಣ ಟೀಕೆ

ಕೆಂಗೇರಿ ಉಪನಗರ (ಬೆಂಗಳೂರು): ರಾಜ್ಯದ ಜನ ನಿರೀಕ್ಷಿಸಿದಂತೆ ಮೈತ್ರಿ ಸರ್ಕಾರ ನಡೆದುಕೊಂಡಿಲ್ಲ. ಉತ್ತಮ ಆಡಳಿತವನ್ನು ಅವರು ನೀಡಲಿಲ್ಲ ಎಂದು ಮಾಜಿ ಮುಖ್ಯಮಂತ್ರಿ ಎಸ್‌.ಎಂ.ಕೃಷ್ಣ ಆರೋಪಿಸಿದರು.

ಯಶವಂತಪುರ ಕ್ಷೇತ್ರದ ಹೇರೋಹಳ್ಳಿ ಮತ್ತು ದೊಡ್ಡಬಿದರಕಲ್ಲಿನಲ್ಲಿ ಬಿಜೆಪಿ ಅಭ್ಯರ್ಥಿ ಎಸ್‌ಟಿ ಸೋಮಶೇಖರ್‌ ಪರ ಮತಯಾಚಿಸಿ ನಂತರ ಸುದ್ದಿಗೋಷ್ಠಿಯಲ್ಲಿ ಅವರು ಮಾತನಾಡಿದರು. “ಮಾಜಿ ಶಾಸಕರಾದ ಎಸ್‌ಟಿ ಸೋಮಶೇಖರ್‌, ಮುನಿರತ್ನ ಮತ್ತು ಸಂಗಡಿಗರಿಂದ ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಬಂದಿದೆ. ಇದಕ್ಕೆ ಮುಖ್ಯ ಕಾರಣ ಮೈತ್ರಿ ಸರ್ಕಾರದ ಮುಖಂಡರುಗಳ ನಡವಳಿಕೆ,” ಎಂದರು.

ಸೋಮಶೇಖರ್‌ ಅವರು ಕಾಡಿಬೇಡಿದರು. ಆದರೆ ಅವರು ಇವರಿಗೆ ಅನುದಾನ ನೀಡಲಿಲ್ಲ. ಅದೇ ಮುಖ್ಯಮಂತ್ರಿ ಯಡಿಯೂರಪ್ಪ ಅವರ ಸರಕಾರ ಯಶವಂತಪುರ ಕ್ಷೇತ್ರಕ್ಕೆ 760 ಕೋಟಿ ರೂಪಾಯಿಗಳ ಅನುದಾನವನ್ನು ನೀಡಿದೆ. ಮೈತ್ರಿ ಸರ್ಕಾರದಲ್ಲಿ ಇವರು ಶಾಸಕರಾಗಿ ಉಳಿದಿದ್ದರೆ ಈ ಅನುದಾನವನ್ನು ತರಲು ಸಾಕಷ್ಟು ಕಷ್ಟ ಪಡಬೇಕಾಗಿತ್ತು ಎಂದು ಅವರು ಹೇಳಿದರು.

“ಯಡಿಯೂರಪ್ಪ ಅವರ ವಿಶೇಷ ಗುಣ ಎಂದರೆ ಸರ್ವತೋಮುಖ ಅಭಿವೃದ್ಧಿ. ಅದರಿಂದ ಅವರು ಉತ್ತಮ ನಾಯಕ ಎಂಬ ನಂಬಿಕೆ ರಾಜ್ಯದ ಜನರಲ್ಲಿ ಇದೆ. ರಾಜ್ಯದಲ್ಲಿ ಇದ್ದ ಮೈತ್ರಿ ಸರ್ಕಾರಕ್ಕೆ ಸ್ಪಷ್ಟವಾದ ಗುರಿ ಇರಲಿಲ್ಲ. ಕಾಂಗ್ರೆಸ್‌ ಪಕ್ಷದ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹಾಗೂ ಜೆಡಿಎಸ್‌ನ ಕುಮಾರಸ್ವಾಮಿ ಮತ್ತು ಜೆಡಿಎಸ್‌ ವರಿಷ್ಠರಾದ ದೇವೇಗೌಡರ ಮಧ್ಯೆ ಸಮತೋಲನ ಇಲ್ಲ. ಇವರು ಮತ್ತೆ ಒಂದಾಗುತ್ತಾರೆ ಎಂದು ನಾನು ಭಾವಿಸುವುದಿಲ್ಲ,” ಎಂದು ಅವರು ಹೇಳಿದರು.

ಸೋಮಶೇಖರ್‌ ಅವರು ಬಿಜೆಪಿ ಸರಕಾರ ಸ್ಥಾಪಿಸಲು ಕಾರಣೀಕರ್ತರಾಗಿದ್ದು ಅದನ್ನು ಮತ್ತಷ್ಟು ಸುಭದ್ರಗೊಳಿಸಲು ಅವರನ್ನು ಬಹುಮತಗಳ ಅಂತರದಿಂದ ಗೆಲ್ಲಿಸಿ ಎಂದು ಅವರು ಇದೇ ಸಂದರ್ಭದಲ್ಲಿ ಮನವಿ ಮಾಡಿದರು.

ಸೋಮಶೇಖರ್‌ ಅವರನ್ನು ಬಹಳ ವರ್ಷಗಳಿಂದ ನಾನು ಬಲ್ಲೆ. ಸಹಕಾರ ಕ್ಷೇತ್ರದಲ್ಲಿ ಬಹಳಷ್ಟು ಸಾಧನೆಯನ್ನು ಮಾಡಿದ್ದಾರೆ. ಹಿಂದೆ ಅವರು ಮ್ಯತ್ರಿ ಸರಕಾರವಿದ್ದಾಗ ಕ್ಷೇತ್ರದ ಅಬಿವೃದ್ಧಿಗಾಗಿ ಅನುದಾನವನ್ನು ಕೇಳಿದರೆ ಅವರಿಗೆ ಯಾವುದೇ ಸಹಕಾರ ಸಿಗಲಿಲ್ಲ. ಇದರಿಂದ ಬೇಸತ್ತು ಅವರು ರಾಜೀನಾಮೆ ಸಲ್ಲಿಸಿ ಬಿಜೆಪಿ ಸೇರಿದರು. ಅವರೊಬ್ಬ ಸ್ವಾಭಿಮಾನಿ ನಾಯಕರಾಗಿದ್ದು ಸದಾ ಅಭಿವೃದ್ದಿಯ ಬಗ್ಗೆ ಚಿಂತಿಸುವ ವ್ಯಕ್ತಿಯಾಗಿದ್ದಾರೆ. ಅವರಿಗೆ ನೀವು ಮತಹಾಕಿ ಗೆಲ್ಲಿಸಿ ಎಂದರು.

Related posts

 ದ್ರೋಣಾಚಾರ್ಯ ಪ್ರಶಸ್ತಿ ಸ್ವೀಕಾರಕ್ಕೆ ಮುನ್ನಾದಿನವೇ ಇಹಲೋಕ ತ್ಯಜಿಸಿದ ಪುರುಷೋತ್ತಮ್ ರೈ

Times fo Deenabandhu

ಸೇನೆಯ ಗೌಪ್ಯ ಮಾಹಿತಿ ಚೀನಾಗೆ ರವಾನಿಸುತ್ತಿದ್ದ ಪತ್ರಕರ್ತನ ಬಂಧನ; ನೇಪಾಳಿ ಸಹಚರರು ಪೊಲೀಸ್‌ ಬಲೆಗೆ

Times fo Deenabandhu

ಒಂದೇ ದಿನ 4,077 ಮಂದಿ ಗುಣಮುಖ

Times fo Deenabandhu